قازگيدرومەت: قازاننىڭ 12- كۇنگى اۋا رايى بولجامى

قازاقستاننىڭ باسىم بولىگى الىدە انتيتسيكلوننىڭ ىقپالىندا بولعاندىقتان، قازاننىڭ 12- ءسى كۇنى كۇن جاۋىن- شاشىنسىز بولادى. تەك قازاقستاننىڭ سولتۇستىگى، ورتالىعىن جانە شىعىسىنىڭ كەي جەرلەرىندە اتموسفەرالىق اعىنداردىڭ وتۋىنە بايلانىستى جاۋىن- شاشىن (جاڭبىر، قار) بولادى. رەسپۋبليكانىڭ كەي جەرلەرىندە جەل كۇشەيىپ، شىعىسىندا تۇمان، جولدارىندا كوكتايعاق، وڭتۇستىك- باتىستا شاڭدى داۋىل كوتەرىلەدى.

شىعىس قازاقستان وبلىسىنىڭ كەي جەرلەرىندە جەل 15-20 م/س جىلدامدىقپەن ەسەدى. تۇندە كەي جەرلەرىندە تۇمان، جولدارىندا كوكتايعاق بولادى. پاۆلودار وبلىسىنىڭ كەي جەرلەرىندە تۇمان تۇسەدى. تۇركىستان، ماڭعىستاۋ، كۇندىز جامبىل، قىزىلوردا، باتىس قازاقستان وبلىستارىنىڭ كەي جەرلەرىندە جەلدىڭ جىلدامدىعى سەكۋندىنا 15-20 مەترگە دەيىن بارادى. ماڭعىستاۋ وبلىسىندا شاڭدى داۋىل تۇرادى. الماتى، جامبىل، تۇركىستان، وبلىستارىنىڭ كەي جەرلەرىندە تۇندە 1-3 گرادۋس ۇسىك جۇرەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى