دۇنيەجۇزىلىك بانك كوروناۆيرۋسپەن كۇرەسكە $12 ميلليارد ءبولدى
«COVID-19 اۋرۋى 60 تان استام ەلدى قامتىعاندىقتان، دۇنيەجۇزىلىك بانك اۋرۋدىڭ جاھاندىق ءورشۋىنىڭ مەديتسينالىق جانە ەكونوميكالىق سالدارىن ەڭسەرۋ ىسىنە شۇعىل كومەك رەتىندە 12 ميلليارد دوللارعا دەيىنگى مولشەردە العاشقى پاكەتپەن قامتاماسىز ەتەدى» ، - دەلىنگەن د ب رەسمي سايتىنىڭ حابارلاماسىندا.
دۇنيەجۇزىلىك بانك الەمدىك دەنساۋلىق ساقتاۋ مەن العاشقى مەديتسينالىق- سانيتارلىق كومەكتى قولداۋ، كوروناۆيرۋسقا قارسى وزىق كۇرەسۋدە جۇمىس ىستەيتىن دارىگەرلەردى وقىتۋ، ەرىكتىلەر قوزعالىسىن كوتەرمەلەۋ جانە كەدەي ادامداردى ەمدەۋ بويىنشا ءبىرقاتار ءىس- شارالاردى ۇيىمداستىرىپ جاتىر.
د ب- نىڭ باستى كومەگى ءۇشىنشى الەم ەلدەرىنە جانە اۋرۋ وشاعىنىڭ ەپيتسەنترىندە تۇرعان ادامدارعا كورسەتىلەدى. كوروناۆيرۋس 2019 -جىلدىڭ جەلتوقسانىنان باستاپ الەمگە تارالا باستادى. دارىگەرلەر اۋرۋ جۇقتىرۋدىڭ العاشقى جاعدايلارىن قىتايدىڭ ۋحان قالاسىندا انىقتاعان. ينفەكسيادان ءۇش مىڭنان استام ادام قايتىس بولدى.
