جابىق اۆتوتۇراققا گازبەن جۇرەتىن كولىك قويعاندار 12 مىڭ تەڭگە ايىپپۇل تولەيدى
«ق ر اكىمشىلىك قۇقىقبۇزۋشىلىق كودەكسىنىڭ 410-بابى (ءورت قاۋىپسىزدىگى تالاپتارىن بۇزۋ نەمەسە ورىنداماۋ) بويىنشا ازاماتتىق قورعانىس ورگاندارى ەرەجە بۇزعاندارعا 5 ا ە ك نەمەسە 12 مىڭ تەڭگەدەن استام ايىپپۇل سالا الادى. سونىمەن بىرگە، قۇقىق بۇزۋدىڭ سالدارى اۋىر بولسا، قىلمىستىق كودەكستىڭ 292-بابىندا ارنايى جازا كوزدەلگەن. وقيعانىڭ اۋىرلىعىنا قاراي، ايىپپۇل نەمەسە باس بوستاندىعىنان ايىرۋ جازالارى قولدانىلادى. ەكى نەمەسە ودان دا كوپ ادام قازا تاپسا - 5-10 جىل ارالىعىندا باس بوستاندىعىنان ايىرىلۋى مۇمكىن»، - دەدى كوميتەت ءتوراعاسى ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
2019 -جىلدىڭ جەلتوقسانىندا ق ر ءورت قاۋىپسىزدىگى ەرەجەلەرىنە وزگەرتۋلەر مەن تولىقتىرۋلار ەنگىزگەن ۇكىمەت قاۋلىسى قابىلداندى، وندا گازبەن جۇرەتىن كولىكتەردىڭ جابىق پاركينگتەرگە كىرۋىنە تىيىم سالىندى.
جالپى ءورت قاۋىپسىزدىگى ەرەجەلەرىنە 148 وزگەرىستەر مەن تولىقتىرۋلار ەنگىزىلدى.
