قازاقستاندا ۇستالعان قىرعىز دەپۋتاتى 12 جىلعا سوتتالۋى مۇمكىن
سوت الدىندا داميربەك اسىلبەك ۇلىمەن بىرگە تاعى 11 ادام جاۋاپ بەرۋدە. ولارعا ەكونوميكالىق كونتراباندا جاسادى دەگەن ايىپ تاعىلۋدا.
«داميربەك اسىلبەك ۇلىن ق ر ق ك 264-بابىنىڭ 1-بولىگى، 234-بابىنىڭ 3-بولىگى بويىنشا ايىپتى دەپ تاۋىپ، جازاسىن قاۋىپسىزدىگى جوعارى تۇزەۋ مەكەمەسىندە وتەۋمەن 12 جىلعا باس بوستاندىعىنان ايىرۋدى سۇرايمىن. جازاسىن وتەپ بولعان سوڭ ەلدەن شىعارىلسىن»، - دەدى پروكۋرور.
«جاپباسوۆتىقتار» ۇيىمداسقان قىلمىستىق توبىنىڭ سەركەسى سانالاتىن ەسبول جاپباسوۆتى مەملەكەتتىك ايىپتاۋشى 15 جىلعا باس بوستاندىعىنان ايىرۋدى سۇرادى.
ەسكە سالايىق، اعىمداعى جىلدىڭ اقپان ايىندا ق ر باس پروكۋراتۋراسى، ق ر ۇلتتىق قاۋىپسىزدىك كوميتەتى جانە سىبايلاس جەمقورلىققا قارسى ءىس-قيمىل ۇلتتىق بيۋروسى الماتى، جامبىل، وڭتۇستىك قازاقستان وبلىستارى مەن الماتى قالاسىندا ارنايى وپەراتسيا وتكىزىپ، 30-دان استام ادامدى ۇستادى. ولاردىڭ اراسىندا كەدەن ورگانىنىڭ، شەكارا قىزمەتىنىڭ لاۋازىمدى تۇلعالارى، بروكەرلەر، دەلدالدار، سونداي-اق ۇيىمداسقان قىلمىستىق توپ مۇشەلەرى بار. ۇشەۋى قىرعىزستان ازاماتى. ونىڭ ءبىرى - قىرعىزستان جوگوركۋ كەنەشىنىڭ دەپۋتاتى داميربەك اسىلبەك ۇلى. كەيىن انىقتالعانداي، داميربەك اسىلبەك ۇلىنىڭ قازاقستان ازاماتتىعى بار. بۇل رەتتە، سوتتالۋشىنىڭ ءوزى قىرعىزستان ازاماتى ەكەنىن اتاپ وتۋدە. ونى قاماۋدا ۇستاۋ مەرزىمى بۇعان دەيىن 8 ايعا سوزىلعان بولاتىن.
ءمالىم بولعانداي، ترانس ۇلتتىق ۇيىمداسقان توپ 2017-جىلعى 1- جەلتوقساننان 2018-جىلعى 15- اقپانعا دەيىن ءىرى جانە اسا ءىرى كولەمدەگى حالىق تۇتىناتىن تاۋارلاردى (جالپى قۇنى 407558653 تەڭگە) كونتراباندالىق جولمەن ق ح ر- دان قىرعىزستان ارقىلى قازاقستان رەسپۋبليكاسىنا بىرنەشە مارتە جەتكىزگەن. سالدارىنان ە ا ە و بيۋجەتىنە 99015094,2 تەڭگە سوماسىندا كەدەندىك باج سالىقتارى مەن مىندەتتى تولەمدەر تۇسپەي قالعان. مۇنىمەن ە ا ە و- عا قاتىسۋشى ەلدەرگە اسا ءىرى سومادا ەكونوميكالىق زالال كەلتىرىلدى. ءىس ماتەريالدارىنا قاراعاندا، قىلمىستىق توپقا باسشىلىق جاساعان داميربەك اسىلبەك ۇلى ونىڭ مۇشەلەرىنىڭ اربىرىنە ناقتى تاپسىرمالار بەرىپ وتىرعان.
قىلمىستىق ءىس 126 تومنان تۇرادى. ءىس بويىنشا داميربەك اسىلبەك ۇلىمەن بىرگە تاعى 11 ادام سوتتالىپ جاتىر، 70 ادام كۋاگەر رەتىندە كورسەتىلگەن. ايتا كەتەيىك، سوت پروتسەسىنە قىرعىزستان پارلامەنتىنىڭ مۇشەلەرى تىڭداۋشى رەتىندە قاتىستى.
