قورعاس - شىعىس قاقپاسى ارنايى ەكونوميكالىق ايماعىندا 12 كاسىپورىن اشىلادى

  كومبيكورم زاۋىتى پايدالانۋعا بەرىلدى. جاقىندا ەكىنشىسى ىسكە قوسىلادى. بۇل كاسىپورىندار پانفيلوۆ اۋدانىنىڭ شارۋالارىنان جۇگەرى قابىلداپ، وڭدەلگەن ءونىمدى ەكسپورتقا جونەلتەتىن بولادى.

«قورعاس - شىعىس قاقپاسى» ارنايى ەكونوميكالىق ايماعىنان سالىنعان كومبيكورم زاۋىتىندا جىلىنا 60 مىڭ توننا ءداندى- داقىل وڭدەلەدى. ونىڭ قۇرىلىسى وتكەن جىلى باستالدى. كاسىپورىن 100 ادامدى جۇمىسپەن قامتاماسىز ەتەدى.

 يگور گابيدۋللين، كومپانيانىڭ رەسمي وكىلى:

- مۇندا جارتىلاي راتسيوندى كومبيكورمنىڭ بارلىق ءتۇرى شىعادى. وندىرىلگەن ءونىمنىڭ 40 پايىزى ەكسپورتقا باعىتتالادى. سول ارقىلى قازاقستان مەن قىتاي حالىق رەسپۋبليكاسىمەن اراداعى ساۋدا اينالىمى ارتا تۇسەدى.

 ارنايى ەكونوميكالىق ايماقتا اۋىل شارۋاشىلىعى ونىمدەرىن وڭدەۋمەن اينالىساتىن ەكى كومبيكورم زاۋىتى جۇمىس ىستەيدى. بۇدان وزگە دە كاسىپورىندار كوپتەپ سالىنىپ جاتىر.

اسقار ەشەنحانوۆ، «قورعاس - شىعىس قاقپاسى» ا ە ا باس ديرەكتورىنىڭ ورىنباسارى:

 - قازىر 12 كاسىپورىننىڭ قۇرىلىسى قىزۋ ءجۇرىپ جاتىر. اۋىل شارۋاشىلىعى ونىمدەرىن وڭدەپ، كونسەرۆىلەنگەن تاعام تۇرلەرىن جانە بەتون شىعاراتىن زاۋىتتار سالىندى. تەحنوپارك قۇرىلىسى دا قولعا الىندى. الداعى ۋاقىتتا مۇندا ءبىرقاتار جەڭىل ونەركاسىپ نىساندارى سالىنىپ، جۇمىس ىستەي باستايدى. ولار نەگىزىنەن كيىم- كەشەك پەن اياق كيىم شىعارادى.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى