استانادا اۆتوبۋس جۇرگىزۋشىلەرىنە 12 ميلليون تەڭگە ايىپپۇل سالىندى
«جىل باسىنان بەرى پوليتسەيلەر 7 مىڭنان اسا جولاۋشىعا قوعامدىق كولىكتە جول اقىسىن تولەۋدەن جالتارعانى ءۇشىن ايىپپۇل سالىندى. جالپى مولشەردە 30 ميلليون تەڭگەدەن اسا ايىپپۇل سالىنعان. جۇرگىزۋشىلەرگە قاتىستى، 900-دەن اسا اۆتوبۋس جۇرگىزۋشىسى اكىمشىلىك جاۋاپكەرشىلىككە تارتىلدى. ايىپپۇل مولشەرى - 12 ميلليون تەڭگە»، - دەدى "استانا LRT" كولىك باقىلاۋى دەپارتامەنتىنىڭ ديرەكتورى سامات شايمەردەنوۆ.
ونىڭ ايتۋىنشا، جۇرگىزۋشىلەر كوبىنە جول ەرەجەسىن بۇزۋ جانە جولاۋشىلاردى تاسىمالداۋ ەرەجەسىن بۇزادى ەكەن.
«قوعامدىق كولىكتىڭ 7 جۇرگىزۋشىسى جولدىڭ قارسى بەتىنە ءوتىپ كەتكەنى ءۇشىن اكىمشىلىك جاۋاپكەرشىلىككە تارتىلىپ، سوت شەشىمىمەن كولىك جۇرگىزۋ قۇقىعىنان ايىرىلدى. بەينەباقىلاۋ كامەرالارى ارقىلى ەرەجە بۇزۋشىلىق دەرەكتەرى انىقتالىپ، شارا قولدانىلۋى ءۇشىن جەرگىلىكتى پوليتسيا قىزمەتىنە جىبەرىلەدى»، - دەدى ول.
بۇل تۋرالى Tengrinews.kz حابارلادى.
