قازاقستاندا كولىك باعاسى 12 پايىزعا ارزانداماقشى

ق ر ينۆەستيتسيالار جانە دامۋ مينيسترلىگى «ساتۋ كەزىندە قوسىمشا قۇن سالىعىنان بوساتىلاتىن كولىك قۇرالدارى مەن اۋىل شارۋاشىلىعى تەحنيكالارىنىڭ ءتىزىمىن بەكىتۋ تۋرالى» بۇيرىق دايىنداپ جاتىر. قۇجاتقا اقپان ايىندا قول قويىلىپ، جاريالانباق، دەپ حابارلايدى Sputnik باسىلىمى.

بۇيرىققا سايكەس، قازاقستاندىق كاسىپورىنداردىڭ بولشەكتەرىنەن جاسالعان جەڭىل اۆتوكولىكتەر، جۇك كولىكتەرى، تراكتورلار مەن ارنايى تەحنيكالار قوسىمشا قۇن سالىعىنان بوساتىلادى.

ياعني شەتتەن اكەلىنەتىن بولشەكتەردەن كولىك قۇراستىراتىن جانە ق ر ينۆەستيتسيالار جانە دامۋ مينيسترلىگىنەن قولداۋ العان جەرگىلىكتى زاۋىتتاردىڭ ونىمدەرىنە سالىق سالىنبايدى. سايكەسىنشە قازاقستاندا قۇراستىرىلاتىن كولىكتەر 12 پايىزعا ارزانداۋى مۇمكىن.

وسى ورايدا «ق ق س جويىلعاننان كەيىن اۆتوسالونداردا باعا ارزاندايدى ما؟» دەگەن زاڭدى ساۋال تۋىندايدى. كاسىپكەرلەر ازىرگە تولىققاندى جاۋاپ بەرە الماي وتىر (ولاردىڭ اراسىنان بيپەك اۆتو عانا جاۋاپ بەردى).

ولاردىڭ ايتۋىنشا، بۇل ماسەلەگە قاتىستى سوڭعى شەشىم ءالى قابىلدانباعان، ءبىراق قۇجات كۇشىنە ەنگەننەن كەيىن ماسەلەنىڭ ءتۇيىنى تارقاتىلماق.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى