سامسۋنگ كومپانياسىنىڭ باسشىسى 12 جىلعا سوتتالۋى مۇمكىن
تەرگەۋ ورگاندارىنىڭ پايىمىنشا، ميللياردەر چجە يون وڭتۇستىك كورەيانىڭ بۇرىنعى پرەزيدەنتى پاك كىن حەنىڭ قۇربىسى سوي سۋن سيلگە قارجىلىق قولداۋ كورسەتىپ كەلگەن.
اقىسىنا Samsung باسشىسى ءوز بيزنەسىن ودان ءارى دوڭگەلەتۋ ءۇشىن بيلىك تاراپىنان جەڭىلدىكتەر الىپ وتىرعان. ءمالىم ەتىلگەندەي، ول تسوي سۋن سيلگە جالپى العاندا 38,3 ميلليون دوللار بەرگەن. سونداي-اق پروكۋراتۋرا جەمقورلىق سحەماسىنا قاتىسقان Samsung-تىڭ تاعى ءۇش توپ- مەنەدجەرىن 10 جىلعا سوتتاۋدى تالاپ ەتۋدە.
بيزنەسمەن بولسا تاعىلعان ايىپتارمەن تولىعىمەن كەلىسپەي وتىر. ول سوڭعى سوزىندە كومپانيا ءۇشىن نەمەسە جەكە ءوز باسىنا ەكس-پرەزيدەنتتەن قانداي دا ءبىر ارتىقشىلىقتاردى ەش ۋاقىتتا سۇراماعانىن ايتتى.
سوت سوڭعى شەشىمدى 27 -تامىز كۇنى شىعاراتىنى كۇتىلۋدە. چجە يون اعىمداعى جىلدىڭ اقپان ايىنان بەرى قاماۋدا وتىر.
لي چجە يوننىڭ ءىسى وڭتۇستىك كورەيانىڭ ەكس- پرەزيدەنتى پاك كىن حەنىڭ اينالاسىندا تۋىنداعان داۋ- دامايعا بايلانىستى تەرگەۋلەر سەرياسىنىڭ ءبىر بولىگى. 2016 -جىلدىڭ كۇزىندە پاك كىن حەگە ءىرى جەمقورلىق ىستەرىنە قاتىسى بار دەگەن ايىپ تاعىلعان بولاتىن. تەرگەۋ نۇسقاسى بويىنشا، وعان جاقىن قۇربىسى تسوي سۋن سيل كومەكتەسىپ كەلگەن. بۇل، 2016 -جىلدىڭ سوڭىندا پاك كىن حەگە يمپيچمەنتتىڭ جاريالانۋىنا الىپ كەلدى. 2017 -جىلدىڭ ناۋرىز ايىندا وڭتۇستىك كورەيانىڭ كونستيتۋتسيالىق سوتى ونى بيلىكتەن الىستاتۋ تۋرالى شەشىم قابىلدادى. 9 -مامىر كۇنى ەلدە جاڭا پرەزيدەنت سايلاۋى ءوتتى. وڭتۇستىك كورەيانىڭ جاڭا باسشىسى مۋن چجە ين بولدى.
