وڭتۇستىك قازاقستاندا 12- عاسىرعا جاتاتىن ەكى بالبال تاس تابىلدى

كونە، عۇرىپتىق ەسكەرتكىشتەردى تۇرعىندار قاراتاۋ جازىعىنداعى ارپا وزەنى بويىنان قازىپ العان. وندا ەر مەن ايەلدىڭ سۇلباسى قاشالىپ بەينەلەنگەن، دەپ حابارلايدى قازاقپارات ح ا ا ءتىلشىسى.

ارپا وزەنى اباي ەلدى مەكەنىنەن 3 شاقىرىم قاشىقتىقتا ورنالاسقان. اۋىلدىڭ ازاماتتارى سول ماڭداعى ەرەكشە تاستى بايقاپ، جەردەن قازىپ العان. كونە ەسكەرتكىش تاڭعى جارىققا، ياعني، شىعىسقا قاراپ ورناتىلعان ەكەن. تۇرعىندار «بۇل - ەرتە كەزدەگى مادەنيەت پەن سالت-ءداستۇر نەگىزى»، - دەپ توپشىلاپ وتىر.

«تابىلعان جەردەن ەكى تاس ەرەكشە كورىندى. ءبىز ولاردى كوتەرىپ ەدىك، جان-جاعىنان سۋرەتتەر شىعا باستادى. سونىمەن ول تاستى بولەك قويدىق. سول ماڭنان تاعى ءبىر تاس كورىندى. ول دا جەردەن 3 س م شىعىپ تۇر ەكەن. كوتەرىپ ەدىك، ول دا قوزعالمادى. جالپاق سياقتى كورىندى. ەكىنشى بەتىندە سۋرەتى بار ەكەن. بىزگە ولاردى الۋ قىزىق بولدى»، - دەيدى اباي اۋىلىنىڭ تۇرعىنى ءجانسات سەيىتوۆ.

تاريحي جادىگەر مۇراجاي قىزمەتكەرلەرىنىڭ قىزىعۋشىلىعىن تۋدىرىپ وتىر. ولاردىڭ سوزىنشە، بالبال تاستار ەجەلگى تۇركى داۋىرىنە ءتان. تەرەڭ تاريحتان سىر شەرتەر قۇندى دۇنيەنى عالىمدار زەرتتەۋگە مۇددەلى. ولاردى اۋداندىق مۇراجايدا ساقتاماقشى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى