سولتۇستىك قازاقستان جۇرگىزۋشىلەرى «ادەمى» نومىرلەر ءۇشىن 12 ميلليون تەڭگە تولەدى

س ق و ءى ءى د تىركەۋ- ەمتيحان جۇمىستارى ءبولىمىنىڭ باستىعى، پوليتسيا پودپولكوۆنيگى سەرگەي گيزبرەحتتىڭ ايتۋىنشا، بەدەلدى نومىرلەردى ساتىپ الۋ اجيوتاجى باسەڭدەگەن. جىل باسىنان دەپارتامەنت 12,5 ميلليون تەڭگەدەن استام سوماعا سۇرانىسى جوعارى 34 مەملەكەتتىك ءنومىردى وتكىزگەن.

«بۇرىنعىشا، ەڭ كوپ سۇرانىسقا يە كومبيناتسيالار - 001، 111، 444، 555، 777 جانە 999. 2018 -جىلدان باستاپ سۇرانىسى جوعارى نومىرلەر بەلگىلەرىنىڭ الۋاندىعى كەڭەيە تۇسەتىندىگى، ولارعا دەگەن قىزىعۋشىلىقتى ارتتىرۋى مۇمكىن. ولاردىڭ قۇرامىنا اۆتوموبيل يەلەرىنىڭ سۇيىكتى «اينالى» نومىرلەرى مەن باسقا دا تانىمال ساندىق كومبيناتسيالار كىرەدى»، - دەدى سەرگەي گيزبرەحت.

مۇنداي نومىرلەردى نەگىزىنەن پەتروپاۆل قالاسىنىڭ، ەسىل جانە ع. مۇسىرەپوۆ اۋداندارىنىڭ تۇرعىندارى ساتىپ الۋدا. پوليتسەيلەر اتاپ وتكەندەي، «ادەمى» نومىرلەر اۆتوموبيل يەلەرىنە ەشبىر ارتىقشىلىق بەرمەيدى. ق ر «جول قوزعالىسى تۋرالى» زاڭىنا سايكەس، «سۇرانىسى جوعارى ءنومىر» ساناتىنداعى بەلگىنى كەز كەلگەن كولىك قۇرالىنىڭ جۇرگىزۋشىسى ساتىپ الا الادى. ءار ساندىق كومبيناتسيانىڭ وزىنە سايكەس مەملەكەتتىك باج سالىعى بولادى. كولىك قۇرالىنىڭ يەسى ءوزىنىڭ قالاۋىنا قاراي بەدەلدى تىركەۋ ءنومىر بەلگىسىن تاڭداۋعا قۇقىلى. ارنايى ح ق ك و- نىڭ اقپاراتتىق بۇرىشىندا ولاردىڭ 001-دەن 999-عا دەيىنگى بارلىق ءتۇرى قويىلعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى