ءتورت تۇتقىن 12 مەترلىك تۋننەل قازىپ، تۇرمەدەن قاشىپ كەتكەن

 قاشىپ كەتكەندەر اۋستراليالىق شون ەدۆارد دەۆيدسون، بولگار ديميتار نيكولوۆ يليەۆ، ءۇندىستاندىق سايەد مۋحامماد سايد جانە مالايزيالىق تي كوك تينگ بولىپ شىقتى. تۇرمەدەن قاشۋ 19 - ماۋسىم كۇنى تاڭەرتەڭ ۇزىندىعى 12 مەتر جانە ەنى 50 سانتيمەترلىك توننەل ارقىلى جۇزەگە اسقان. 33 جاستاعى شون ەدۆارد دەۆيدسوننىڭ جازاسىن وتەيتىن نەبارى ەكى ايى عانا قالعان ەدى، ول يندونەزياعا باسقا بىرەۋدىڭ تولقۇجاتىمەن كەلگەنى ءۇشىن سوتتالعان. 31 جاستاعى سايەد مۋحامماد سايد ەسىرتكى كونترابانداسى ءۇشىن 12  جىلعا باس بوستاندىعىنان ايىرىلسا، 43 جاستاعى يليەۆ قارجىلىق قىلمىس جاساعانى ءۇشىن 7  جىلعا سوتتالدى. 50 جاستاعى تي كوك تينگ ەسىرتكىگە بايلانىستى قىلمىس جاساعانى ءۇشىن 7 جارىم جىلعا اباقتىعا جابىلعان، دەپ جازدى Daily Mail.

العاشقى 323 سوتتالۋشىعا ارنالىپ سالىنعان "كەروبوكان" تۇرمەسىندە 1300 قىلمىسكەر جازاسىن وتەۋدە. ادام كوپ بولعاندىقتان تۇرمەدەگى جاعداي وتە اۋىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى