زىمىراننىڭ بولىگى قۇلاعان جەردەگى ءورت 12 ساعاتقا سوزىلعان

مينيسترلىكتىڭ اقپاراتىنشا، ءورتتى ءسوندىرۋ كەزىندە قازا تاپقان 1964 -جىلعى حاتيۋشين يۋري اندرەيەۆيچ، سونىمەن بىرگە زارداپ شەگۋشى 1968 -جىلعى ۆياچەسلاۆ پاۆلوۆيچ ەكەۋى قازاقستان ازاماتتارى، ولار رەسەيلىك «ۆ پ ك «ن پ و ماشينو ستروەنيا» ا ق- نىڭ جەر بەتىندە ىزدەۋ جۇرگىزۋ توبىندا جۇمىس ىستەگەن. ۆياچەسلاۆ جەزقازعان ورتالىق اۋرۋحاناسىنىڭ تراۆماتولوگيا بولىمىنە 2-3 دارەجەلى كۇيىكپەن جاتقىزىلعان. قازىر وعان قاجەتتى مەديتسينالىق كومەك كورسەتىلۋدە.

قورعانىس جانە ايەروعارىش ونەركاسىبى مينيسترلىگى باسپا ءسوز قىزمەتى تاراتقان حابارلامادا، زىمىران تاسىعىشتىڭ قۇلاعان بولىگىندەگى گەپتيلگە قاتىستى اقپارات شىندىققا سايكەس كەلمەيدى. «سويۋز-2.1ا» زىمىران تاسىعىشىنىڭ قوزعالتقىشىنا وتىن رەتىندە سۇيىق وتتەگى مەن كەروسين پايدالانىلادى.

 توتەنشە وقيعانىڭ جاي- جاپسارىن كەلتىرە وتىرا باسپا ءسوز قىزمەتى، «سويۋز-2.1ا» زىمىران تاسىعىشىن ۇشىرۋ بايقوڭىر ايلاعىندا 31 الاڭنان استانا ۋاقىتىمەن 14- ماۋسىمدا 15.20-دا جۇرگىزىلگەندىگىن ەسكە سالدى.

زىمىراننىڭ ۇشۋى قالىپتى رەجىمدە وتكەن. 117 سەكۋندتا باستاپقى بولىك اجىراعان. ونىڭ بولشەكتەرى بەلگىلەنگەن تۇسقا قاراعاندى وبلىسى ۇلىتاۋ اۋدانى تالاپ كەنتىنەن 20 شاقىرىم جەرگە قۇلاعان.

زىمىران بولىكتەرىنىڭ قۇلاۋى سالدارىنان دالا ورتەنگەن. ەكپىنى 18 م/س- عا جەتكەن قاتتى جەل كەزىندە ءورت 10 مىڭ گەكتار اۋماققا تارالعان. جالىن تەك 15 - ماۋسىمدا ساعات 03.31-دە ون ەكى ساعاتتان كەيىن تولىق سوندىرىلگەن.

فوتو: ر ي ا نوۆوستي

اۆتور: جانىبەك امانگەلدى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى