اتىراۋدا ىستامبۇلدان 12 چەمودان التىن مەن كۇمىس بۇيىمدارىن تاسىمالداعان ازامات سوتتالدى
2015 -جىلدىڭ قاراشا ايىندا ن. چاليمبايەۆ پايدا تابۋ ماقساتىندا تۇركيادان التىن جانە كۇمىستەن باعالى بۇيىمدار ساتىپ الىپ، ەلگە اكەلىپ ساتۋدى كوزدەگەن. ءوزىنىڭ قىلمىستىق نيەتىن جۇزەگە اسىرۋ ماقساتىندا ول تەرگەۋمەن انىقتالماعان، ولارعا قاتىستى قىلمىستىق ءىس ماتەريالدارى بولەك وندىرىسكە بولەكتەتىلگەن ادامدارمەن الدىن الا ءسوز بايلاسادى.
بەلگىلەنگەن ءرول بويىنشا ءوزى كونتراباندالىق تاۋاردى تۇركيا اۋماعىنان شىعارىپ الىپ كەلەدى، ال جولاۋشىلار جۇگىن تيەپ، جەتكىزۋگە مۇمكىندىك العان سىبايلاستارى كونتراباندالىق تاۋاردى اەروپورت اۋماعىنان كەدەندىك دەكلوراتسيادان وتكىزبەي، زاڭسىز شىعارۋعا جاردەمدەسەتىن بولعان.
ءسويتىپ، سوتتالۋشى ىستامبۇل قالاسىنا كەلىپ، زەرگەرلىك دۇكەندەردەن 220000 ا ق ش دوللارىنا التىن جانە كۇمىس ونىمدەرىن ساتىپ الىپ، ولاردى 11 چەمودان مەن 1 سومكەگە ورنالاستىرادى.
سودان سوڭ، ۇشاقپەن اتىراۋ اۋەجايىنا ۇشىپ كەلىپ، جاساقتالعان جوسپار بويىنشا شەكارا جانە كەدەن باقىلاۋىنان ءوتىپ بولعان سوڭ كوشەگە شىعىپ، كولىك تۇراعىنا باعىت العان ساتىندە قۇرىقتالادى.
سوتپەن ن. چاليمبايەۆ ق ر ق ك- نىڭ «ەكونوميكالىق كونتراباندا» بابى بويىنشا كىنالى دەپ تانىلىپ، وعان 2 جىل مەرزىمگە باس بوستاندىعىن شەكتەۋ جازاسى تاعايىندالدى. الىنعان زەرگەرلىك بۇيىمدار مەملەكەت پايداسىنا ءوندىرىلدى.
