جوعارى وقۋ ورىندارىنىڭ ءبىرىنشى كۋرسى مەكتەپتىڭ 12- سىنىبىنا اينالىپ كەتتى - ە. ساعاديەۆ
بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بريفينگتە ق ر ءبىلىم جانە عىلىم ءمينيسترى ەرلان ساعاديەۆ وسىلاي ءمالىم ەتتى.
«ەلىمىزدىڭ جەتەكشى جوعارى وقۋ ورىندارىنىڭ باسشىلارىمەن تىلدەسسەڭىزدەر، ولاردىڭ ءبارى «ءبىرىنشى كۋرس مەكتەپتەگى باعدارلامانى قايتالاۋ» دەپ ءبارى ايتادى. ياعني، مەكتەپتەن كەلگەن بالا ءبىر جىلىن تەككە، بوسقا وتكىزەدى. ەكى ۋنيۆەرسيتەتتىڭ بۇرىنعى پرەزيدەنتى رەتىندە مەن بۇل ماسەلەنى جاقسى بىلەمىن: ءبىز ج و و- لاردىڭ ءبىرىنشى كۋرسىن بەلگىلى ءبىر دەڭگەيدە مەكتەپتىڭ 12-سىنىبىنا اينالدىرىپ جىبەردىك»، - دەدى ە. ساعاديەۆ.
وسىعان بايلانىستى مينيستر جالپى ءبىلىم بەرەتىن مەكتەپتەردە بۇل ماسەلە رەتكە كەلتىرىلەتىنىن مالىمدەدى. ونىڭ ايتۋىنشا، ج و و- لاردا حالىقارلىق دەڭگەيدە ءوزىنىڭ جەكە باعدارلامالارىن دايىنداۋ ءۇشىن اكادەميالىق ەركىندىك بەرىلەدى.
«تۇيىندەي ايتقاندا، بالانى التى جاستان بەرۋ، ج و و باعدارلامالارىن رەتكە كەلتىرۋ ماقساتىندا 12 جىلدىق ءبىلىم بەرۋ ەنگىزىلەدى. ياعني، بالا مەكتەپكە ەرتە بارادى، ونىڭ ج و و- داعى جالپى ءبىلىم باعدارلاماسى قىسقارتىلادى. سوعان سايكەس، ج و و باعدارلاماسى دا وزگەرىستەرگە ۇشىرايدى، ولار حالىقارالىق دەڭگەيگە سايكەستەندىرىلەدى»، - دەدى ە. ساعاديەۆ.
اۆتور: قانات مامەتقازى ۇلى
