جۇرتتى شۋلاتقان 12 جاسار قالىڭدىقتىڭ جان تۇرشىگەرلىك توي سەرۋەنى - كەسكىن

جۇرتتى شۋلاتقان ۆيدەو از عانا ۋاقىتتىڭ ىشىندە 2 ميلليون رەت قارالعان.

بۇل تۋرالى dni.ru سايتى حابارلايدى.

 ۆيدەودا 12 جاستاعى قىز جانە ونىڭ جاسى كەلىپ قالعان، تاز كۇيەۋى توي كيىمىندە سەرۋەندەپ، ەستەلىك سۋرەتتەرىنە ءتۇسىپ جۇرەدى. جول بويىندا ولاردى كەزدەستىرگەن ادامدار اراسىندا كۇيەۋ جىگىتكە كەلىپ، ۇرىسىپ كەتكەندەرى دە بولعان.

 توي سەرۋەنىندە جۇرگەن جۇپ وزگەلەردىڭ ءسوزى مەن وزدەرىنە كوڭىل اۋدارماۋعا تىرىسادى. سول ارالىقتا قالادا سەرۋەندەپ جۇرگەن ازاماتتىڭ ءبىرى كۇيەۋ جىگىتتى «قىلمىسكەر» دەپ اتايدى.

«بۇل سەنىڭ ءىسىڭ ەمەس. قىزدىڭ اتا- اناسى قارسى ەمەس» ، - دەپ جاۋاپ قايتارادى كۇيەۋ جىگىت وعان ءوز كەزەگىندە.

«مەن سەرۋەندەپ جۇرگەن كەزدە بۇل قىزدى كوزىم شالىپ قالدىم. سودان بىردەن توقتاي قالدىم» ، - دەيدى قالا تۇرعىنى.

كەي تۇرعىندار توي يەلەرىنە باقىت تىلەپ، قۇتتىقتاپ تا جاتتى.

كەيىننەن بۇل ۆيدەوروليك «كافا» قوعامدىق ۇيىمىنىڭ تاپسىرماسىمەن ءتۇسىرىلىپ جاتقانى بەلگىلى بولعان. ولار كامەلەتكە تولماعان قىزداردىڭ تۇرمىسقا شىعۋىنا قارسىلار. باسىلىم ليۆانداعى قىزداردىڭ 6 پايىزى كامەلەت جاسقا تولماي تۇرمىسقا شىعىپ كەتەتىنىن ايتىپ، وسى ماسەلەنى كوتەرۋدى كوزدەگەن.

« ءبىز بۇل ۆيدەونى حالىقتىڭ نازارىن ماسەلەگە اۋدارۋ ماقساتىندا تۇسىردىك. بۇل جايت حالىقتى شوشىتۋى كەرەك ەدى. كامەلەت جاسىنا جەتپەي تۇرمىسقا شىعۋعا اسىعاتىن قىزداردىڭ جاعدايىنىڭ ءوزى ادامدى شوشىتادى» ، - دەپ تۇسىندىرەدى قۇقىق قورعاۋشى.

ۆيدەو ماتەريالدى تاماشالاعان حالىقتىڭ كوپشىلىگى ىزالى، اشۋلى پىكىرلەرىن قالدىرعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى