سەل تاسقىنى كەزىندە كورسەتكەن ەڭبەگى ءۇشىن 12 جاسار ەرىكتى دياس اۋباكىروۆكە الماتى اكىمدىگى ۆەلوسيپەد سىيلادى
بۇگىن قالالىق ىشكى ىستەر باسقارماسىنىڭ باسشىسى سانجار بوقايەۆ جاس ەرىكتىگە قالا اكىمىنىڭ العىس حاتىن ۇسىنىپ، ۆەلوسيپەد تابىستادى.
«ونىڭ كورسەتكەن ازاماتتىق پوزيتسياسىنا، الەۋمەتتىك جاۋاپكەرشىلىگىنە ريزاشىلىعىمىزدى ءبىلدىرىپ، سىيلىق بەرىپ جاتىرمىز. بالاعا سىيلىق قاتتى ۇنادى. ويتكەنى، ونىڭ ۆەلوسيپەدى بۇزىلىپ قالعان ەكەن. سونداي-اق، وسىنداي بالانى تاربيەلەپ جەتكىزگەن اتا-اناسىنا ۇلكەن راحمەت»، - دەدى سانجار بوقايەۆ فەيسبۋكتاعى پاراقشاسىندا.
ونىڭ ايتۋىنشا، سەل قالدىقتارىن تازالاۋعا جەرگىلىكتى حالىققا قول ۇشىن سوزعان وزگە ەرىكتىلەر دە جاقىن كۇندەرى العىس حاتقا يە بولادى.
اۆتور: گۇلميرا عوسمانالي
