ن. نازاربايەۆ: 12 جىلدىق ءبىلىم بەرۋ مودەلىنە كوشۋدى جالعاستىرۋ قاجەت
بۇل تۋرالى اقوردادا وتكەن ق ر ۇكىمەتىنىڭ كەڭەيتىلگەن قۇرامداعى وتىرىسىندا ەلباسى نۇرسۇلتان نازاربايەۆ ايتتى.
«ءبىلىم بەرۋ سالاسىندا «بالاپان» باعدارلاماسىن جۇزەگە اسىرۋدى، ورتا ءبىلىم بەرۋ جۇيەسىندە جان باسىنا قارجىلاندىرۋعا كوشۋدى، 12 جىلدىق مەكتەپتە ءبىلىم بەرۋ مودەلىنە كەزەڭ- كەزەڭىمەن كوشۋدى جالعاستىرۋ قاجەت»، - دەدى ەلباسى.
سونىمەن قاتار مەملەكەت باسشىسى مەملەكەتتىك بالاباقشالاردى جەكەشەلەندىرمەۋ قاجەتتىگىن باسا ايتتى.
«ءتىپتى، ا ق ش پرەزيدەنتى مەكتەپكە دەيىنگى ءبىلىم بەرۋ مەملەكەتتىڭ باستى باسىمدىعى ەكەندىگىن ايتتى. بىزدە وسى جولدان تايماۋىمىز قاجەت. ال ءبىز بولساق، ونى جەكەنىڭ قولىنا بەرمەكپىز»، - دەدى ق ر پرەزيدەنتى.
قازاقستان كوشباسشىسى ءوز سوزىندە جەكە بالاباقشالار سالۋ ىسىنە جان- جاقتى مۇمكىندىك بەرۋ كەرەكتىگىن اتاپ ءوتتى.
اۆتور: مارلان جيەمباي
