مەكسيكانىڭ كوكۋلا قالاسىندا تاعى 12 ادام جوعالىپ كەتتى

كانادانىڭ Media Luna شاحتاسىنىڭ قىزمەتكەرى حۋان سۋنيگيدىڭ ايتۋىنشا، ۇرلانعان ادامداردىڭ بارلىعى سول جەردە جۇمىس ىستەگەن. الايدا بۇل اقپاراتتى شاحتاعا يەلىك ەتەتىن Torex Gold Resources كومپانياسى جوققا شىعارىپ وتىر. El Universal-گە بەرگەن سۇحباتىندا كانادالىق فيرمانىڭ ۆيتسە-پرەزيدەنتى گابريەلا سانچەس ۇرلانعان ادامداردىڭ بىرەۋى عانا كومپانيانىڭ قىزمەتكەرى بولعانانىن حابارلادى.

گەررەرو بيلىگىنىڭ رەسمي وكىلدەرى ازىرشە ەش مالىمەت بەرمەي وتىر.

مەكسيكا ەلىنىڭ باس پروكۋراتۋراسىنىڭ حابارى بويىنشا، ءدال كوكۋلانىڭ جانىندا وتكەن جىلدىڭ قىركۇيەك ايىندا ۇرلانعان ستۋدەنتتەردىڭ مۇردەلەرى ورتەلگەن. ۆەدومستۆو باسشىسى حەسۋس مۋريلو كارامنىڭ ايتۋىنشا، ستۋدەنتتەر ءولتىرىلىپ، مۇردەلەرى جاعىلعان سوڭ، ولاردىڭ كۇلى جانە قالدىقتارى جاقىن جەردەگى سان-حۋان وزەنىنە تاستالعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى