پوليتسەي 12 جاستاعى جاسوسپىرىمگە وق اتتى

وق 12 جاستاعى بالانىڭ ىشىنە تيگەن، ول اۋىر حالدە مەديتسينالىق ورتالىققا جەتكىزىلدى. كليۆلەند قالالىق پورتالىنىڭ حابارلاۋىنشا، پوليتسياعا قارۋلى بالا تۋرالى حابار بەرگەن ادام ءتارتىپ ساقشىلارىنا تاپانشانىڭ «ناعىز قارۋ بولماۋى مۇمكىن» ەكەنىن ەكى رەت ايتقان. پوليتسەي بالادان قارۋدى تاستاۋدى سۇراعان كەزدە، ول ەسكەرتۋگە قۇلاق اسپادى. سول كەزدە وفيتسەر ونى اتىپ سالدى.

«ءاربىر تاپانشانىڭ ناعىز قارۋ ەكەنىن ەستەن شىعارماۋ كەرەك. ەگەر ءبىز بۇلاي جاساماساق، ۇيگە ورالماي قالاتىن كۇن تۋادى»، - دەيدى كليۆلەند پاترۋل قىزمەتكەرلەرى قاۋىمداستىعىنىڭ پرەزيدەنتى دجەفف فوللمەر.

ەسكە سالا كەتەيىك، ا ق ش- تا پوليتسەيلەردىڭ جاسوسپىرىمگە وق اتۋى ءبىرىنشى رەت بولىپ وتىرعان جوق. مۇنىڭ الدىندا 18 جاستاعى مايكل براۋننىڭ ءولىمى جۇرتشىلىقتىڭ نارازىلىعىن تۋعىزعان ەدى. تامىز ايىندا ميسسۋري شتاتىنىڭ سەنت-لۋيس فەرگيۋسون قالاسىنىڭ ىرگەسىندە  قاراناسىلدى جاسوسپىرىم پوليتسيانىڭ تالابىنا باعىنباي، ولارمەن توبەلەسەدى، سول كەزدە ءتارتىپ ساقشىلارى ونى اتىپ ءولتىردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى