پاۆلوداردا تۇراتىن 12 مىڭعا جۋىق مۇگەدەكتىڭ بارىنە كومەك كورسەتىلىپ كەلەدى

وبلىستىق كىتاپحانادا ارنايى زاماناۋي كومپيۋتەرلىك ورتالىق جۇمىس ىستەسە، مۇگەدەكتەر تۇراتىن تۇراتىن كوپقاباتتى ۇيلەرمەن قاتار، قالاداعى 39 مەكتەپكە ارنايى پاندۋستار ورناتىلىپ جاتىر، دەپ حابارلادى 24 kz.

بۇل ءتۇرلى سەبەپتەرمەن ارباعا تاڭىلعان بالالاردىڭ ەل قاتارلى ءبىلىم الىپ، قوعام ومىرىنە بەلسەندى ارالاسۋىنا جاعداي جاساماق.

«پاۆلوداردا 12 مىڭ مۇگەدەك جان تۇرادى. قازىر ولارعا مەيلىنشە كوپ كوڭىل بولىنە باستادى. پاندۋستاردى ورناتۋ ءىسى بەلسەندى جۇرگىزىلىپ جاتىر. جولاۋشىلار تاسىمالىمەن اينالىسۋشىلار جارىمجان جانداردى تاسۋعا ىڭعايلى 40 اۆتوبۋس ساتىپ الدى»، دەلىنگەن حابارلامادا.

سونىمەن قاتار، س. تورايعىروۆ اتىنداعى وبلىستىق كىتاپحانانىڭ ىشىندە مۇمكىندىگى شەكتەۋلى جاندارعا ارنالعان «جاناشىر» ورتالىعى جۇمىس ىستەيدى.

كۇردەلى جوندەۋدەن وتكەن مەكەمە ارنايى كومپيۋتەرلەرمەن جاڭا باعدارلامالاردى جەتىلدىرۋگە 17 ميلليون تەڭگە جۇمساپتى. ءبىر ايدا شامامەن 200 گە جۋىق مۇگەدەك قىزىقتى اقپاراتتارمەن ادەبيەتتەردى وسى جەردەن تابادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى