جاپونيا يمپەراتورى حيروحيتونىڭ ءومىربايانى 12 مىڭ پاراق بولدى

بۇل تۋرالى moya-planeta.ru سايتى جازعان.

يمپەراتور سەۆانىڭ (حيروحيتونىڭ شىن ەسىمى) عۇمىرناماسى ءبىر توپ عالىمنىڭ 24 -جىلدىق ەڭبەگىنىڭ جەمىسى.

يمپەراتور سەۆانىڭ (1901-1989) بيلىك قۇرۋى جاپونيا تاريحىنداعى ەڭ ۇزاق كەزەڭ بولدى. سول كەزدە ەلدە قايعىلى جانە اۋقىمدى وقيعالار ورىن الدى: ەكىنشى دۇنيەجۇزىلىك سوعىس، حيروسيما مەن ناگاساكيگە اتوم بومباسىنىڭ تاستالۋى، جاپونيانىڭ تىزە بۇگۋى جانە امەركاندىق جاۋلاپ الۋ، توكيوداعى وليمپيادالىق ويىندار (1964)، ەلدى قالپىنا كەلتىرۋ جانە جاپونيانى الەمدەگى ەكىنشى ەكونوميكاعا اينالدىرۋ.

ونىڭ عۇمىرناماسى بۇعان دەيىنگى ەڭ كولەمدى سانالعان يمپەراتور مەيدزيدىڭ (مۋتسۋحيتو، 1867-1912) ءومىرى تۋرالى ەڭبەكتەن ءبىر جارىم ەسە ۇلكەن بولىپ شىققان. ونىڭ كەزىندە جاپونيادا رەفورمالار جاسالدى، ەۋروپالىق جەتىستىكتەر بەلسەندى قولدانىلا باستاعان ەدى.

سەۆانىڭ عۇمىربايانى 3000 تاريحي قۇجاتتارعا سۇيەنگەن، ونىڭ 40 ى العاش رەت جاريالانىپ وتىر. بۇلار - يمپەراتوردىڭ ءوزىنىڭ كۇندەلىك جازبالارى جانە مەكتەپتەگى شىعارمالارى، عۇمىربايانى مەن ونىڭ اينالاسىنداعىلاردىڭ جازبالارى جانە باسقا دا قۇجاتتار.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى