قىزىلوردا 12 مىڭنان استام ءبۇلدىرشىن ءبىر مەزەتتە ءانۇراندى ورىندادى
قىزىلوردا. قازاقپارات - قىزىلوردا قالاسىندا كونستيتۋتسيا مەرەكەسىنە ارنالعان جالپى حالىقتىق شارالاردىڭ ءبىرى 29 - تامىز كۇنى ءوتتى. قالاداعى 124 بالاباقشا جانە شاعىن ورتالىقتا ءبىر مەزەتتە مەملەكەتتىك ءانۇران ورىندالدى،
دەپ حابارلادى وبلىستىق اكىمدىكتىڭ باسپا ءسوز قىزمەتىنەن.
اتالعان شاراعا 12 مىڭنان استام ءبۇلدىرشىن قاتىستى. مۇنداعى ماقسات - جاس ۇرپاقتى پاتريوتتىق باعىتتا تاربيەلەۋ جانە ۇلتتىق رامىزدەردى قاستەرلەۋگە باۋلۋ.
اۆتور: جاپپاربەرگەن ايبوتا