اتىراۋعا بىرىككەن اراب امىرلىگىنەن 126 تۋريست كەلدى
«بۇلاردىڭ ءبارى - وسى ەلگە دەمالۋعا بارعان قازاقستاندىقتار. ولاردىڭ اراسىندا اتىراۋ وبلىسىنان 106 ادام بار. ال، 26 ادام - كورشىلەس اقتوبە، باتىس قازاقستان ماڭعىستاۋ وبلىستارىنىڭ تۇرعىندارى. ولاردى اۋەجايدا سانيتارلىق دارىگەرلەر قارسى الىپ، بارلىعىنىڭ دەنە قىزۋىن تەكسەردى. ەشقايسىسىنان جوعارى تەمپەراتۋرا بايقالمادى. اتىراۋلىقتار ۇيىنە جىبەرىلدى. دارىگەرلەر ولاردى مەكەن- جايىندا 14 كۇن باقىلاۋعا الادى. كورشىلەس وبلىستاردا تۇراتىنداردىڭ مەكەن- جايى، بايلانىس نومىرلەرى الدىق. بارلىق دەرەكتى سول وبلىستارداعى ارىپتەستەرىمىزگە بەرەمىز» - دەدى اتىراۋ وبلىستىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى باسشىسىنىڭ ورىنباسارى امانتاي جۇماعاليەۆ.
