قاڭتار-ماۋسىم قازاقستان حالقى 124 مىڭ ادامعا ارتتى - ستاتيستيكا

«2014- جىلدىڭ 1- شىلدەسىندە ەلىمىزدەگى حالىق سانى 17284,9 مىڭ ادامدى قۇرادى. ونىڭ ىشىندە قالالىقتار - 9523,1 مىڭ (%55,1)، اۋىلدىقتار - 7 761,8 مىڭ ادامدى (%44,9). 2014- جىلعى قاڭتار-ماۋسىمدا جالپى ەلىمىزدە حالىق سانى 124,1 مىڭ ادامعا نەمەسە 0,7 پايىزعا ءوستى، 2013 - جىلعى 1- شىلدەمەن سالىستىرعاندا حالىق سانى 256,3 مىڭ ادامعا نەمەسە 1,5 پايىزعا ارتتى»، - دەدى ول.

ونىڭ سوزىنە قاراعاندا، ا ح ا ت ورگاندارى ۇسىنعان ازاماتتىق حال اكتىلەرى جازبالارىن وڭدەۋ ناتيجەسىندە 2014- جىلدىڭ قاڭتار-ماۋسىمدا دۇنيەگە كەلگەندەر سانى 193,3 مىڭ ادامدى قۇراپ، 2013- جىلعى قاڭتار-ماۋسىمعا قاراعاندا 4,7 مىڭ ادامعا نەمەسە 2,5 پايىزعا ارتقان.

سونىمەن قاتار كوميتەت باسشىسىنىڭ ايتۋىنشا، قاراستىرىلىپ وتىرعان كەزەڭدە قايتىس بولعاندار سانى 66,9 مىڭ ادامدى قۇراپ، 2013- جىلدىڭ قاڭتار-ماۋسىمىنا قاراعاندا 3,5 مىڭ ادامعا نەمەسە 5 پايىزعا ازايعان.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى