الماتى وبلىسىندا جۇك پويىزى 123 قويدى باسىپ كەتتى
«اعىمداعى جىلعى 12 - قىركۇيەك كۇنى ساعات 01.24 تە الماتى وبلىسىنىڭ «جەتىگەن-قۇروزەك» ارالىعىندا جۇك پويىزىنىڭ ماشينيسى تەمىر جولدان ءوتىپ بارا جاتقان ءبىر وتار قويدى بايقاپ، شۇعىل تەجەگىشتى باستى. الايدا، قاقتىعىستىڭ الدىن الۋ مۇمكىن بولمادى، سونىڭ سالدارىنان 530 باس قويدىڭ 123 ءى پوەزد استىنا ءتۇسىپ، ءولدى. پويىز 13 مينۋت كىدىردى»، - دەدى كولىكتەگى پوليتسيا دەپارتامەنتىنىڭ باستىعى وڭال بەكەيەۆ.
ونىڭ ايتۋىنشا، وقيعا ورنىنا التىنكول ستانتسياسىنداعى جەلىلىك پوليتسيا بولىمشەسىنىڭ قىزمەتكەرلەرى بىردەن جەتىپ، جۇرگىزىلگەن ءىس-شارالار بارىسىندا مالدىڭ يەسىن انىقتادى. ول الماتى وبلىسى تۋعانباي اۋىلىنىڭ 36 جاستاعى تۇرعىنى بولىپ شىقتى.
«اتالعان ازامات ق ر ا ق ب ت ك 559-بابىنىڭ 1-بولىگى، ياعني تەمىرجولداردىڭ بولىنگەن جولاعىندا مال جايۋ قاعيدالارىن بۇزۋ بويىنشا اكىمشىلىك جاۋاپكەرشىلىككە تارتىلدى»، - دەدى پوليتسيا گەنەرال-مايورى.
