الەمدە اشىققان حالىق سانى ءتورت جىلدا 122 ميلليون ادامعا ارتتى – ب ۇ ۇ

ب ۇ ۇ بۇل ءۇردىس وزگەرمەسە، 2030 -جىلعا قاراي اشتىقتى جويۋعا قاتىستى تۇراقتى دامۋ سالاسىنداعى ماقساتقا قول جەتپەيتىنىن ەسكەرتتى.

«جاھاندىق پاندەميادان كەيىن ءبارىن قالپىنا بىركەلكى قالپىنا كەلتىرۋ مۇمكىن بولمادى، ال ۋكرايناداعى سوعىس ازىق- تۇلىك پەن دۇرىس تاماقتانۋعا كەدەرگى كەلتىردى. كليماتتىڭ وزگەرۋى، قاقتىعىستار جانە ەكونوميكالىق تۇراقسىزدىق سالدارىنان مارگينالدى توپتاردىڭ قاۋىپسىزدىگىن قامتاماسىز ەتۋ قيىنعا ءتۇسىپ جاتىر. ءبىز ادەتتەگى جۇمىس ادىستەرىنەن باس تارتۋىمىز كەرەك»، - دەپ اتاپ ءوتتى بىرىككەن ۇلتتار ۇيىمى ازىق- تۇلىك جانە اۋىل شارۋاشىلىعى ۇيىمىنىڭ (ف ا و) باس ديرەكتورى سيۋي دۋنيۋي.

2023 -جىلعى باياندامادا 2022 -جىلى 691 ميلليوننان 783 ميلليونعا دەيىن ادام اشىققانى ايتىلعان (ورتاشا ءمانى - 735 ميلليون) .

بۇل COVID-19 پاندەمياسى باستالعانعا دەيىنگى 2019 -جىلمەن سالىستىرعاندا 122 ميلليون ادامعا كوپ.

2021-2022 -جىلدارى الەمدە اشتىقتىڭ ءوسۋى توقتادى، ءبىراق الەمنىڭ كوپتەگەن ەلدەرىندە ازىق- تۇلىك داعدارىسى كۇشەيە ءتۇستى.

2022 -جىلى ازيا مەن لاتىن امەريكاسىندا اشتىققا قارسى كۇرەس بايقالدى، الايدا باتىس ازيادا، كاريب تەڭىزىندە جانە افريكانىڭ بارلىق سۋبايماقتارىندا اشتىق دەڭگەيى ءوستى.

ەڭ قاتتى زارداپ شەككەن ايماق - افريكا: قۇرلىقتا ءاربىر بەسىنشى ادام اشتىققا ۇشىرايدى، بۇل الەمدىك ورتاشا كورسەتكىشتەن ەكى ەسە كوپ.

اۆتور:

زارينا تۋعانبايەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى