سوڭعى ءۇش جىلدا 122 مىڭعا جۋىق اۆتوكولىك قازاقستانعا ۋاقىتشا كىرگىزىلگەن
مەملەكەتتىك كىرىستەر كوميتەتىنىڭ مالىمەتىنشە، ەۋرازيا ەكونوميكالىق وداعىنىڭ كەدەن اۋماعىنا ءۇشىنشى ەلدەردەن ۋاقىتشا اكەلىنگەن كولىك قۇرالدارى - شەتەلدىك تاۋار سانالادى جانە كەدەندىك باقىلاۋدا بولادى.
بۇل جەردە ءۇشىنشى ەلدەر دەگەنىمىز – ە ا ە و قۇرامىنا كىرمەيتىن مەملەكەتتەر.
كەدەندىك تازارتۋدان سوڭ جانە سايكەسىنشە تيەسىلى كەدەندىك الىم-سالىقتاردى تولەگەن سوڭ عانا ۋاقىتشا اكەلىنگەن كولىكتى ساتىپ الۋعا جانە قازاقستان اۋماعىندا پايدالانۋعا بولادى.
ۋاقىتشا اكەلۋ مەرزىمى - 1 جىل.
كەدەندىك تازارتۋ ءتارتىبى تۋرالى اقپاراتتى تۇرعىلىقتى جەرىندە مەملەكەتتىك كىرىستەر ورگاندارىنان بىلۋگە بولادى.
ەسكە سالا كەتەيىك، پرەزيدەنت قاسىم-جومارت توقايەۆ بۇگىنگى جولداۋىندا 1- قىركۇيەككە دەيىن ەلگە كىرگىزىلگەن اۆتوكولىكتەرگە قاتىستى مالىمدەمە جاسادى.
مەملەكەت باسشىسى قازاقستانعا زاڭسىز كىرگىزىلگەن كولىكتەردى تىركەۋ ءۇشىن ءبىرجولعى شەشىم جاساۋدى ۇسىندى.
«اۆتوكولىك ساتىپ الۋ كەزىندە تولەنەتىن الىم-سالىق ماسەلەسىنە جەكە توقتالايىن. كەيبىر جاقىن شەتەلدەردەن اكەلىنگەن اۆتوكولىكتەرگە قاتىستى تۇيتكىلدەر بارشاعا ءمالىم. زاڭ اياسىنان تىس قالىپ وتىرعان مۇنداي كولىكتەر قوعامدىق قاۋىپسىزدىككە قاتەر توندىرۋدە. زاڭسىز كولىك اكەلەتىن امال-ءتاسىلدىڭ بارىنە توسقاۋىل قويۋ ءۇشىن باتىل شارالار قابىلداۋ قاجەت»، - دەدى مەملەكەت باسشىسى.
