اتىراۋ پوليتسەيلەرى ءبىر اپتادا 121 ادامنىڭ قۇجاتىن راسىمدەۋگە كومەكتەستى

وبلىستىق پوليتسيا دەپارتامەنتىنىڭ كوشى-قون قىزمەتى جانە حالىققا قىزمەت كورسەتۋ ورتالىعىنىڭ جەرگىلىكتى فيليالى بىرلەسىپ، موبيلدى توپ قۇرعان.

«بىرلەسكەن موبيلدى توپ قۇرۋداعى ماقسات - كارانتين كەزىندە قۇجاتتارىنىڭ قولدانىلۋ مەرزىمى ءوتىپ كەتكەن ازاماتتارعا تۇرعىلىقتى مەكەنجايىندا جەكە كۋالىكتى راسىمدەۋگە كومەك كورسەتۋ. بىرلەسكەن موبيلدى توپتار 13- مامىردان بەرى 121 ادامعا كومەك كورسەتتى»، - دەيدى پوليتسيا دەپارتامەنتى كوشى-قون قىزمەتى باسقارماسىنىڭ باستىعى رۋسلان ءادىلوۆ.

ونىڭ ايتۋىنشا، كومەك العانداردىڭ اراسىندا دەنساۋلىعى ناشار، كوشەدە ءوز بەتىنشە جۇرە المايتىن زەينەتكەرلەر مەن الەۋمەتتىك تولەم الۋشىلار بار.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى