120 جىل بۇرىن جاسالعان قارۋمەن ادام ولتىرمەك بولعان كاسىپكەر ۇستالدى

اقمولا وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، بيىلعى 29-قاڭتاردا ساندىقتاۋ اۋداندىق پوليتسيا بولىمىنە اۋداندىق اۋرۋحانانىڭ فەلدشەرى حابارلاسىپ، نۇر- سۇلتان قالاسىنىڭ 55 جاستاعى تۇرعىنى وق جاراقاتىمەن جەتكىزىلگەنىن ايتقان.

«پوليتسيا قىزمەتكەرلەرى قولعا العان جەدەل- ىزدەستىرۋ شارالارى بارىسىندا كۇدىكتى ۇستالدى. ول بۇرىن سوتتالماعان 58 جاستاعى جەكە كاسىپكەر، اۋدانداعى اۋىلداردىڭ ءبىرىنىڭ تۇرعىنى بولىپ شىقتى. كۇدىكتىدەن 1895 -جىلعى ۇلگىدەگى «ناگان» ريەۆولۆەرى مەن وق- ءدارىسى تاركىلەندى. قىلمىسقا قوسىلىپ اراق ىشكەن ەكەۋىنىڭ اراسىندا تۋىنداعان جانجال سەبەپ بولعان»، - دەدى ۆەدومستۆودان.

پوليتسيا دەپارتامەنتىنىڭ باسپا ءسوز قىزمەتىنەن اتاپ وتكەندەي، وسى وقيعاعا بايلانىستى ساندىقتاۋ اۋداندىق پ ب تەرگەۋ ءبولىمى قىلمىستىق كودەكستىڭ 24-بابى 3-بولىگى، 99-بابى 1-بولىگى «ادام ولتىرۋگە وقتالۋ» ، قىلمىستىق كودەكستىڭ 287-بابى 3-بولىگى «قارۋدى زاڭسىز يەمدەنۋ، بەرۋ، وتكىزۋ، ساقتاۋ، تاسىمالداۋ نەمەسە الىپ ءجۇرۋ» بويىنشا سوتقا دەيىنگى تەرگەۋ شارالارىن جۇرگىزۋدە. كۇدىكتى قاماۋعا الىندى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى