ەل اۋماعىندا 120 عا جۋىق جۇك پويىزى ۋاقىتشا توقتاتىلدى

بۇل تۋرالى «قازاقستان تەمىر جولى» ۇلتتىق كومپانياسىنىڭ باسقارما ءتوراعاسىنىڭ ءبىرىنشى ورىنباسارى قانات الماعامبەتوۆ ءمالىم ەتتى، دەپ حابارلايدى قازاقپارات ءتىلشىسى.

«بۇگىن تاڭەرتەڭگى مالىمەت بويىنشا 120 عا جۋىق جۇك پويىزى ۋاقىتشا توقتاتىلدى. ولار نەگىزىنەن باتىس وڭىرلەردە. تۇيىسەتىن مەملەكەتارالىق پۋنكتەر بويىنشا پويىزداردى وتكىزۋ شتاتتىق رەجيمدە ءجۇرىپ جاتىر. قىتايمەن اراداعى حالىقارالىق تۇيىسەتىن قوسىنداردا ءبىز جوسپارلى رەجيمدە جۇمىس ىستەپ جاتىرمىز»، - دەدى قانات الماعامبەتوۆ ورتالىق كوممۋنيكاتسيالار قىزمەتىندە.

ونىڭ ايتۋىنشا، جۇك تاسىمالىنداعى پروبلەمالار ينتەرنەتتىڭ بولماۋىنا بايلانىستى بولىپ وتىر. ياعني، تولەم جاساۋ بويىنشا مۇمكىن بولماي تۇر.

«تەمىرجولدا ءبىز تەك الدىن الا تولەم بويىنشا جۇمىس ىستەيمىز. بۇگىندە جۇك تيەۋ مەن تاسىمالدى توقتاتپاس ءۇشىن ءتيىستى شەشىمدى پىسىقتاپ جاتىرمىز»، - دەدى ق. الماعامبەتوۆ.

بۇدان بۇرىن حابارلانعانداي، قانات الماعامبەتوۆ ەلىمىزدىڭ اۋماعىنداعى پويىزدار قوزعالىسىنا تۇسىنىكتەمە بەردى. ق ت ج جەدەل شتابى كولىك كوميتەتىنىڭ كەلىسىمىمەن 25 جولاۋشى پويىزىنىڭ قوزعالىسى توقتاتىلىپ، 13 پويىز قوسىندارعا بەرىلەدى.

سونىمەن قاتار، كەستە بويىنشا جۇرمەي قالعان پويىزداردىڭ جولاۋشىلارىنا بيلەت قۇنى تولىق قايتارىلادى.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى