يسپانيادا 120 قوناق ەسەپشوتتى تولەمەگەن كۇيى مەيرامحانادان قاشىپ شىعىپ كەتكەن

بۇل تۋرالى Leonoticias حابارلايدى.

رۋمىنيالىق 120 قوناق 27 - اقپان كۇنى «كارمەن» قوناقۇي مەيرامحاناسىندا ەكى بالانى شوقىندىرۋ ءراسىمىن تويلاپ، تاماق ءىشىپ، سپيرتتىك ىشىمدىكتەردەن دە ءدام تاتىپ ۇلگەرگەن.

الايدا ءتاتتى تاعام تاراتاردىڭ الدىندا قوناقتار وتىرىك بي بيلەمەك بولىپ ورىندارىنان تۇرىپ، ال سوسىن توپ بولىپ مەيرامحانادان شىعىپ، كولىكتەرىنە وتىرىپ كەتىپ قالىپتى.

مەيرامحانا يەسى انتونيو رودريگەستىڭ ايتۋىنشا، مەيرامحانادان شىعىپ كەتكەن قوناقتاردى داياشىلاردىڭ ەشبىرى توقتاتا الماعان. بانكەتتىڭ الدىندا دەپوزيتكە 900 ەۆرو سالىنعانىمەن، كەش بىتكەندە شىققان 2000 ەۆرو ەسەپشوت ەشكىم تولەمەگەن كۇيىندە قالعان. پوليتسيا قازىر تەكسەرىس جۇرگىزىپ جاتىر. الايدا رودريگەس ولاردى ۇستاپ الۋعا دەگەن مۇمكىندىك تومەن دەپ باعالايدى.

قوناقتار جەرگىلىكتى ادامدار ەمەس. ال ولار تاپسىرىس بەرەتىن كەزدە جالعان ەسىمدەردى پايدالانعان. ولار ءمىنىپ كەتكەن اۆتوكولىك نومىرلەرىن دە اڭعارىپ قالۋ مۇمكىن بولماعان.

http://stan.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى