ريو وليمپياداسىن ۇيىمداستىرۋ كوميتەتىندەگى قارجى تاپشىلىعى 120 ميلليون دوللاردان اسىپ كەتتى
بۇل تۋرالى سايىس ۇيىمداستىرۋشىلارىنا جاقىن دەرەككوزدەرگە سۇيەنە وتىرىپ، Reuters اگەنتتىگى حابارلادى.
«ءبىز قارجىنى جەتكىزۋ ءۇشىن كوپ نارسەنى قىسقارتۋدامىز، ءبىراق سوندا دا بيۋدجەتكە ساي كەلە الار ەمەسپىز»، - دەگەن ۇيىمداستىرۋشىلاردىڭ ءبىرى. ونىڭ ايتۋىنشا، قارجى تاپشىلىعى سوماسى ۇيىمداستىرۋ كوميتەتىنە بولىنگەن جالپى سومانىڭ %6 ىن قۇرايدى.
ريو-دە-جانەيروداعى وليمپيادا جانە پاراليمپيادا ويىندارىن وتكىزۋدىڭ جالپى بيۋدجەتى 40 ميلليارد رەالعا جۋىق (12,12 ميلليارد دوللار). بۇل قاراجاتتىڭ ۇلكەن بولىگى - 24,6 ميلليارد رەال - قالانىڭ ينفراقۇرىلىمىن جاقسارتۋعا جۇمسالدى. تاعى 7 ميلليارد رەال سپورت نىساندارىن سالۋعا كەتتى. «ريو-2016» ۇيىمداستىرۋ كوميتەتى جەكە ينۆەستورلاردان 7,5 ميلليارد رەال العان، دەپ جازدى ت ا س س.
XXXI وليمپيادا ويىندارى 5-21- تامىز ارالىعىندا وتەدى. بۇل وڭتۇستىك امەريكادا ۇيىمداستىرىلعان تۇڭعىش وليمپيادا. پاراليمپيادا 7-18- قىركۇيەك كۇندەرى وتەدى دەپ جوسپارلانۋدا.
