استانادا وتەتىن دزيۋدودان الەم بىرىنشىلىگىنە 120 ەلدىڭ سپورتشىلارى قاتىسادى
وعان 120 مەملەكەتتەن 700 گە تارتا سپورتشى قاتىسادى دەپ كۇتىلۋدە.
8-9 -ءساۋىر ارالىعىندا ەلورداعا حالىقارالىق دزيۋدو فەدەراتسياسىنىڭ پرەزيدەنتتىك كەڭسە ديرەكتورى لاريسا كيسس باستاعان كوميسسيا كەلىپ كەتتى. كوميسسيا ەڭ الدىمەن «الاۋ» مۇزايدىن سارايىندا بولدى، مۇنان سوڭ الەم بىرىنشىلىگىنە قاتىستى باسقا دا نىسانداردى ارالادى.
سونىمەن قاتار «دزيۋدو فەدەراتسياسى» قوعامدىق بىرلەستىگى مەن «KAZTICKET» ج ش س اراسىندا بيلەتتەردى ساتۋ جونىندە كەلىسىم شارتقا قول قويىلدى. بيلەتتەردى ساتۋ kazticket.kz جانە www.worldjudo2015.kz سايتتارى ارقىلى جۇرگىزىلەدى.
قازىرگى تاڭدا «KAZTICKET» ج ش س-نىڭ استانا قالاسىندا، كونگرەسس- حوللدا، «قازاقستان» ورتالىق كونتسەرت زالىندا، م. گوركي اتىنداعى تەاتردا بيلەت ساتاتىن اگەنتتەرى بار جانە «تۋران-18» بيزنەس ورتالىعىندا جەكە كاسساسى جۇمىس ىستەيدى.
سونىمەن قاتار 13-15 -مامىر ارالىعىندا كۋۆەيتتە ەرەسەكتەر اراسىندا ازيا بىرىنشىلىگى وتكىزىلەدى، وعان دزيۋدو كۇرەسىنەن قازاق قۇراماسىنىڭ ءبىرىنشى ءنومىرلى سپورتشىلارى قاتىسادى، دەپ حابارلايدى «دزيۋدو فەدەراتسياسى» رەسپۋبليكالىق قوعامدىق بىرلەستىگىنىڭ باسپا ءسوز قىزمەتىنەن.
