قىتايدان 1200 كەلى گۋمانيتارلىق كومەك جەتكىزىلدى
اسكەري- اۋە كۇشتەرىمىزدىڭ ۇشاعىمەن اكەلىنگەن جۇكتىڭ جالپى سالماعى ءبىر توننادان اسادى. ونىڭ ىشىندە مەديتسينالىق بەتپەردە، قولعاپ پەن قورعانىش زاتتارى جانە تەرمومەترلەر بار. گۋمانيتارلىق جۇك مەملەكەتتىك ورگاندار مەن وزگە دە ۇيىمدارعا تاراتىلادى. ال وسىدان ەكى اپتا بۇرىن ەلگە تاجىريبەسىمەن ءبولىسۋ ءۇشىن كەلگەن ءبىر توپ قىتايلىق دارىگەر كۇنى كەشە اسكەري ۇشاقپەن ءۇرىمجى قالاسىنا ورالدى. ايتا كەتكەن ءجون، بۇل كورشى ەل تاراپىنان جاسالىنعان العاشقى جاردەم ەمەس. مۇنىڭ الدىندا قىتايدان ۆيرۋستىڭ بار- جوعىن انىقتاۋعا ارنالعان تەست قۇرالدارى، قورعانىش كوزىلدىرىكتەرى مەن قاجەتتى مەديتسينالىق كيىم- كەشەك اكەلىنگەن ەدى.
كيريلل كازاكوۆ، I ساناتتاعى اسكەري ۇشقىش:
- قازىرگى ۋاقىتتا گۋمانيتارلىق جۇك پەن سىرتتا قالىپ قويعان قازاقستان ازاماتتارىن ەلگە جەتكىزۋمەن اينالىسامىز. قىتايمەن قاتار تاجىكستان، قىرعىزستان، بەلارۋس ەلدەرىنە ۇشقانبىز. الداعى ۋاقىتتا ەگيپەتكە باعىت الىپ قالۋىمىز مۇمكىن. جۇمىسىمىزعا ادالدىق تانىتىپ، قاۋىپسىزدىك ەرەجەسىن دە ەستەن شىعارماي كەلەمىز. وتباسىمدى كورمەگەنىمە 1-ايدان استى.
