الەمنىڭ 12 ەلىندە 780 مەملەكەتتىك ءتىل ساباعى وتكىزىلدى
بۇل تۋرالى اقپارات جانە قوعامدىق دامۋ مينيسترلىگىنىڭ جىل قورىتىندىسى تۋرالى اقپاراتتار جاريالانعان دەپ حابارلايدى قازاقپارات.
ا ق ش- تىڭ حالىقارالىق ءدىني سەنىم بوستاندىعى ماسەلەلەرى جونىندەگى كوميسسياسى مەملەكەت باسشىسى قاسىم- جومارت توقايەۆتىڭ ءدىني سەنىم بوستاندىعى سالاسىنداعى احۋالدى جاقسارتۋ جونىندەگى وڭ وزگەرىستەر مەن باستامالارىن اتاپ ءوتتى.
سونىمەن قاتار، الەمدەگى دەموكراتيالىق پروتسەستەردى ەسكەرە وتىرىپ، ءدىن سالاسىنداعى قولدانىستاعى نورمالاردى وڭتايلاندىرۋ بويىنشا زاڭناماعا جەكەلەگەن «ناقتى» وزگەرىستەر ەنگىزىلدى. الەمدىك جانە ءداستۇرلى ءدىن ليدەرلەرى سەزى حاتشىلىعىنىڭ XIX وتىرىسى ءوتتى. وتىرىس VII سەزگە دايىندىق بارىسىن جانە ونىڭ پاندەميادان كەيىنگى دامۋ جاعدايىنداعى ماڭىزىن، سونداي- اق ونى وتكىزۋ فورماتىن قاراستىردى. ەكسترەميزمگە قارسى كۇرەس مەسسەدجدەرىن وسكەلەڭ ۇرپاققا جەتكىزۋ ماقساتىندا ءدىني ەكسترەميزم مەن تەرروريزمنىڭ الدىن الۋعا باعىتتالعان العاشقى قازاقستاندىق كوميكس ازىرلەندى. 2021 -جىلى 181 مىڭنان استام دەسترۋكتيۆتى ماتەريال جويىلىپ، 324 ءى بۇعاتتالدى، ب ا ق جانە الەۋمەتتىك جەلىلەر ارقىلى ءدىني اعارتۋ بويىنشا 132 مىڭنان استام جۇمىس جاريالاندى. تەرروريستىك بەلسەندىلىك ايماعىنان قايتارىلعان ايەلدەردىڭ %96 ى (189 ءنىڭ 182 ءى) ءتۇسىندىرۋ- وڭالتۋ شارالاردىڭ ارقاسىندا راديكالدى ءدىني كوزقاراستاردان باس تارتتى، ال كەيبىرەۋلەرى تولىعىمەن زايىرلى ءومىر سالتىنا كوشتى. ەتنوسارالىق قاتىناستار مەن دياسپورالدىق ساياساتتى دامىتۋ سالاسىنداعى جۇيەلى شارالاردى ىسكە اسىرۋ جالعاسىن تاپتى.
مينيسترلىكتىڭ باستاماسى بويىنشا ل. ن. گۋميليەۆ اتىنداعى ە ۇ ۋ- دە قازاقستاندا جانە ورتالىق ازيادا العاش رەت «ەتنوساياسات» ماماندىعى بويىنشا ەكى جىلدىق ماگيستراتۋرا اشىلدى. ەتنوسارالىق قاتىناستاردىڭ وزەكتى تاقىرىپتارى بويىنشا 15 ادىستەمەلىك قۇرال ازىرلەنىپ، مەملەكەتتىك جانە قوعامدىق قۇرىلىمداردان 3 مىڭنان استام ادامدى قامتيتىن 23 سەمينار- ترەنينگ وتكىزىلدى.
جالپى ۇلتتىق بىرلىك پەن كەلىسىمنىڭ قازاقستاندىق مودەلىن ىلگەرىلەتۋ بويىنشا 2 مىڭنان استام ادامدى قامتىعان ەلىمىزدىڭ 4 وڭىرىندە رەسپۋبليكالىق لەكتورييلەر ۇيىمداستىرىلدى. يزرايل، بولگاريا، رەسەي، ۋكراينا جانە باسقا دا ءبىرقاتار ەلدەردىڭ ساراپشىلارىنىڭ قاتىسۋىمەن «قازىرگى كەزەڭدەگى ەتنوسارالىق كەلىسىم: تاجىريبە مەن الداعى مىندەتتەر» اتتى حالىقارالىق عىلىمي- پراكتيكالىق كونفەرەنتسيا وتكىزىلدى.
قولدانبالى ەتنوساياسي زەرتتەۋلەر ينستيتۋتى بازاسىندا تالدامالىق جۇمىستىڭ ءبىرىڭعاي جۇيەسى قۇرىلدى، بارلىق وڭىرلەردەگى احۋالعا دالالىق زەرتتەۋلەر ۇيىمداستىرىلدى. ق ر اقدم قىزمەتكەرلەرى احۋالدى زەرتتەپ، ەتنوسارالىق قاتىناستاردى دامىتۋ جونىندە ناقتى ۇسىنىستار ازىرلەۋ ءۇشىن قازاقستاننىڭ 10 وڭىرىنە مونيتورينگتىك ساپارلار جاسادى. ق ر اقپارات جانە قوعامدىق دامۋ مينيسترلىگىنىڭ باستاماسىمەن ق ح ا ەتنومادەني بىرلەستىكتەرىنىڭ وكىلدەرىمەن بىرلەسىپ، مەملەكەتتىك تىلدە «قازاقستان حالقىنىڭ ەرتەگىلەرى» اتتى 2 تومدىق كىتاپ جارىق كوردى.
كىتاپقا قازاقستاننىڭ 25 ءىرى ەتنوسىنىڭ 114 حالىق ەرتەگىلەرى ەنگەن. قازاقستان حالقىنىڭ ەرتەگىلەر جيناعى العاش رەت قازاق تىلىندە قازاقستاننىڭ ءتۇرلى ەتنوستارىنىڭ ادەبي مۇراسى رەتىندە باسىلىپ شىعۋدا. تۇركياداعى دياسپورالىق ساياسات شەڭبەرىندە ەۋروپا ەلدەرىنەن 100 دەن استام دەلەگاتتىڭ قاتىسۋىمەن قازاقتاردىڭ كىشى قۇرىلتايى، 5 ەل وكىلدەرىنىڭ قاتىسۋىمەن تۇركى كەڭەسىنىڭ دياسپورالار ماسەلەلەرى جونىندەگى جاۋاپتى مينيسترلەردىڭ 4- وتىرىسى وتكىزىلدى، قۇرامىندا 88 ماسس- مەديا بار شەتەلدەگى قازاق ءتىلدى ب ا ق قاۋىمداستىعى قۇرىلدى. الەمنىڭ 12 ەلىندە 780 مەملەكەتتىك ءتىل ساباعى وتكىزىلدى، وعان 1300 دەن استام وتانداسىمىز قاتىستى.
