ۇلى بريتانيا 12 جىلدا قازاقستانعا 12,1 ميلليارد دوللار ينۆەستيتسيا قۇيعان
دەپ حابارلايدى مينيسترلىكتىڭ باسپا ءسوز قىزمەتى.
كەزدەسۋ بارىسىندا الدا وتەتىن ساۋدا- ەكونوميكالىق، عىلىمي- تەحنيكالىق، مادەني ىنتىماقتاستىق جونىندەگى قازاقستان- بريتان ۇكىمەت ارالىق كوميسسياسىنىڭ 4 وتىرىسى تۋرالى، سونداي- اق قازاقستان مەن ۇلى بريتانيا اراسىنداعى ينۆەستيتسيا، تاۋ- كەن، اۋىل شارۋالىشىعى سياقتى پەرسپەكتيۆالى باعىتتار بويىنشا سەرىكتەستىك ورناتۋ جايىن تالقىلادى.
«مەن ەكى ەل اراسىنداعى قارىم- قاتىناستىڭ جىل سايىن نىعايىپ كەلە جاتقاندىعىن ەرەكشە اتاپ وتكىم كەلەدى. ۇلى بريتانيا - ءبىزدىڭ ەۋروپاداعى ەڭ ءىرى ستراتەگيالىق سەرىكتەستەرىمىزدىڭ ءبىرى»، دەدى جەڭىس قاسىمبەك.
سونداي- اق، كەزدەسۋ بارىسىندا قىتاي- قازاقستان- ۇلى بريتانيا اراسىن بايلانىستىراتىن «ۇلى جىبەك جولى» ەكونوميكالىق بەلدەۋىن جۇزەگە اسىرۋدا بىرلەسىپ جۇمىس اتقارۋ ءۇشىن ءۇشجاقتى كەلىسىم ورناتۋ ماسەلەسى دە ءسوز بولدى. بۇگىندە قازاقستان تەرريتورياسى ارقىلى قىتاي مەن ەۋروپانىڭ اراسىندا 15 ترانزيتتىك كونتەينەرلىك پويىز جۇرەدى. وتكەن جىلى «قىتاي- ەۋروپا- قىتاي» باعىتىنداعى ترانزيتتىك كونتەينەرلەر تاسىمالى 104,5 مىڭعا جەتىپ، 2015 -جىلمەن سالىستىرعاندا ەكى ەسەگە ارتىپ وتىر (49,9 مىڭ كونتەينەر). 2017 -جىلى جىجياڭ (ق ح ر) - لوندون ( ۇلى بريتانيا) باعىتى بويىنشا العاشقى جۇك كونتەينەرلىك پويىزى ىسكە قوسىلدى. ەندىگى رەتتە بۇل باعىت بويىنشا جۇكتى تۋرا 18 كۇن ىشىندە جەتكىزەتىن مۇمكىندىك تۋدى. بۇل جۇك كەمەسىنە قاراعاندا قىزمەتىن 30 كۇن ەرتە ورىندايدى.
بۇگىندە ۇكىمەتارالىق كوميسسيا اياسىندا ءبىلىم جانە عىلىم، ەنەرگەتيكا، تاۋ- كەن ونەركاسىبى باعىتتارى بويىنشا 4 جۇمىس توبى جۇمىس ىستەيدى. ۇلى بريتانيا - تاۋار اينالىمى بويىنشا قازاقستاننىڭ ەڭ ءىرى 10 سەرىكتەسىنىڭ قاتارىنا كىرەدى، سونداي- اق، قازاقستانعا ەڭ كوپ ينۆەستيتسيا اكەلەتىن ۇزدىك التى ەلدىڭ قاتارىندا. ۇلى بريتانيا سوڭعى 12 جىل ىشىندە قازاقستانعا جالپى كولەمى 12,1 ميلليارد ا ق ش دوللارىن قۇرايتىن تىكەلەي ينۆەستيتسيا اكەلدى (2005 -جىلدان 2017 -جىلدىڭ ءبىرىنشى توقسانىنا دەيىنگى كورسەتكىش بويىنشا تىكەلەي ينۆەستيتسيا كولەمى 12278,2 ميلليون ا ق ش دوللارىن قۇرايدى).
بۇل - قازاقستانعا تارتىلعان جالپى شەتەلدىك ينۆەستيتسيانىڭ 5 پايىزى. انىقتاما ءۇشىن: 2017 -جىلدىڭ قاڭتار- ءساۋىر ايلارى بويىنشا قازاقستان مەن ۇلى بريتانيا اراسىنداعى تاۋار اينالىمى 422,6 ميلليون ا ق ش دوللارىن قۇرادى. بۇل 2016 -جىلدىڭ ءدال وسى كەزەڭىمەن سالىستىرعاندا 26,6 پايىزعا جوعارى (333,7 ميلليون ا ق ش دوللارى).
