فرانسيادا مۇگەدەكتەرگە ارنالعان دەمالىس ءۇيى ورتەندى، 11 ادامنىڭ قازا بولعانى ايتىلۋدا
فرانتسيا بيلىگى ورتتەن 11 ەرەسەك ادام «كوز جۇمعان بولۋى مۇمكىن» دەپ مالىمدەدى.
ەلدىڭ ىشكى ىستەر ءمينيسترى جەرالد دارمانەن Twitter- دە بۇگىن تاڭەرتەڭ گەرمانيا شەكاراسىنا جاقىن ورنالاسقان ۆينتسەنحايم شاعىن قالاسىنداعى مۇگەدەكتەرگە ارنالعان مەكەمەدە ءورت شىققانىن جازدى.
«وكىنىشكە قاراي، قازا بولعاندار بار»، - دەدى ول.
جوعارعى رەين ايماعىنىڭ جەرگىلىكتى اكىمشىلىگى ءورت ۆينتسەنحايمداعى مۇمكىندىگى شەكتەۋلى جاندار دەمالاتىن جەكە ۇيدە تاڭعى ساعات 6:30 دا باستالعانىن ءمالىم ەتتى. 17 ادام ەۆاكۋاتسيالاندى، 1 ادام اۋرۋحاناعا جەتكىزىلدى.
وقيعا ورنىنا فرانتيانىڭ پرەمەر- ءمينيسترى ەليزابەت بورن شىقتى.
