وسكەمەندە 11 ۋچاسكەنى سۋ باسۋ قاۋپى بار

قالالىق ت ج ب باسپا ءسوز قىزمەتىنىڭ مالىمەتىنە سۇيەنسەك، قازىرگى ۋاقىتتا وسكەمەن بويىنشا 11 ۋچاسكەدە سۋ باسۋ قاۋپى بار ەكەندىگى انىقتالدى.

«ونىڭ ىشىندە سوگرا كەنتىندەگى سكاليستايا، درۋجيننيكوۆ كوشەلەرىندە، «ۆوستوچنيك-5»، «ۆوستوچنيك-6» باۋ-باقشا سەرىكتەستىكتەرىندە سۋ باسۋ قاۋپى جوعارى بولىپ وتىر. سوعان وراي سوگرادا سۋ تاسقىنىنا قارسى پروفيلاكتيكالىق شارالار جۇرگىزىلۋدە. كەنتتەگى ماحوۆكا وزەنىنىڭ بويىندا ۇيلەر بار. سوڭعى رەت 2018 -جىلى بۇل ۇيلەردى سۋ باسقان بولاتىن»، - دەيدى باسقارما باستىعىنىڭ ورىنباسارى داستان احمەتوۆ.

ونىڭ ايتۋىنشا، بيىل ماحوۆكا وزەنىنىڭ سۋى ارناسىنان اسپاۋى ءۇشىن جاعالاۋدى نىعايتۋ جۇمىستارى جۇرگىزىلدى. سوندىقتان ۇيلەردى سۋ باسۋ قاۋپى بارىنشا ازايتىلعان.

«ءبىر ايتا كەتەرلىگى، كەيبىر ادامدار وزەنگە قوقىس تاستاپ، سۋ باسۋ قاۋپىن وزدەرى تۋدىرادى. ءتىپتى ماحوۆكا وزەنىن تازارتۋ بارىسىندا ديۆان دا تابىلعان. سوندىقتان تۇرعىنداردان بارىنشا تازالىق ساقتاپ، تابيعاتقا زالال كەلتىرمەۋدى سۇرايمىز»، - دەيدى داستان احمەتوۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى