ترانسۇلتتىق قىلمىستىق توپتاردىڭ 11 قاتىسۋشىسى قولعا ءتۇستى
ءى ءى م ۇيىمداسقان قىلمىسقا قارسى كۇرەس دەپارتامەنتى جەدەل ارەكەت بارىسىندا باس پروكۋراتۋرانىڭ كومەگىمەن ءبىر-بىرىمەن كۇرەسكە تۇسكەن ەكى ترانسۇلتتىق قىلمىستىق توپتىڭ جولىن كەستى. ولار ءوز ۇلتىنىڭ كاسىپكەرلەرىنە زاڭسىز الىم سالىپ، ولاردىڭ اراسىندا قىلمىستىق يدەيالار مەن ۇرىلاردىڭ ۇستانىمدارىن ەنگىزۋگە ارەكەتتەنگەن.
الماتى، اتىراۋ، پەتروپاۆل، اقتاۋ قالالارى مەن جامبىل وبلىسىنىڭ اۋماعىندا ءى ءى م-نىڭ ارناۋلى ماقساتتاعى بولىمشەلەرىنىڭ قاتىسۋىمەن جۇرگىزىلگەن ارنايى وپەراتسيا كەزىندە جەدەل قىزمەتكەرلەر قىلمىستىق توپتاردىڭ 11 قاتىسۋشىسىن، سونىڭ ىشىندە قىلمىستىق تەكەتىرەستەرگە تارتىلعان «كيللەردى» ۇستادى.
ولاردىڭ جۇرگەن جەرلەرى مەن تۇرعىلىقتى مەكەنجايلارىنا 25 ءتىنتۋ ءىس-شاراسى جۇرگىزىلىپ، اتىس قارۋىنىڭ ارسەنالى، شەتەل ۆاليۋتاسىنداعى ۇلكەن كولەمدەگى اقشا، سونداي-اق اسا ءىرى مولشەردەگى ەسىرتكى قۇرالدارى تاركىلەندى.
ۇستالعاندارعا قاتىستى «كۇزەتپەن ۇستاۋ» تۇرىندەگى بۇلتارتپاۋ شاراسى تاڭدالدى. باسقا دا قىلمىسكەرلەردى ۇستاۋ جانە جاۋاپكەرشىلىككە تارتۋ شارالارى قابىلدانۋدا.
فوتو: polisia.kz
