ەلوردادا تۇراتىن جەرىنە تىركەلمەگەن 11 مىڭ ادام جاۋاپقا تارتىلدى

ەسەپتە تۇرعان 14 مىڭنان استام تۇلعا تۇرعىلىقتى جەرى بويىنشا تەكسەرىلدى، دەپ حابارلايدى قازاقپارات نۇر-سۇلتان قالاسى پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.

شارا بارىسىندا 33 مىڭعا جۋىق ادام اكىمشىلىك جاۋاپكەرشىلىككە تارتىلدى. سونىڭ ىشىندە قازاقستان اۋماعىندا تىركەلمەي تۇرىپ جۇرگەن 11 مىڭنان استام ادام، ۇساق بۇزاقىلىق جاساعان 250-گە جۋىق ادام جانە قوعامدىق ورىنداردا الكوگولدىك ماس كۇيىندە جۇرگەن 4 مىڭعا جۋىق ادام انىقتالعان. قوعامدىق ورىنداردى لاستاعانى ءۇشىن 2813 ادام جاۋاپقا تارتىلدى.

«ازاماتتاردىڭ شاعىمدارىنا جەدەل ەلەۋ، تۇرعىندارمەن سەنىمدى قاتىناس ورناتۋ، ءتارتىپ بۇزۋشىلىقتاردىڭ الدىن الۋ - ەلوردالىق ۋچاسكەلىك ينسپەكتورلاردىڭ جۇمىسىنداعى باستى مىندەت» - دەپ اتاپ ءوتتى نۇر-سۇلتان قالاسى پوليتسيا دەپارتامەنتىنىڭ باستىعى، گەنەرال- مايور ەرجان سادەنوۆ.

ۋچاسكەلىك ينسپەكتورلار 230 مىڭعا جۋىق ادامدى قامتيتىن ۇيگە ورتاق چاتتارعا قوسىلعان. سونداي- اق تۇرعىندارمەن ساپالى كوممۋنيكاتسيانى ورناتۋ ءۇشىن تەلەگرام موبيلدى قوسىمشاسىندا ۋچاسكەلىك ينسپەكتورلاردىڭ رەسمي ارناسىن قولدانۋ ىلكى جوباسى ەنگىزىلۋدە. تۇرعىندار مەن پوليتسەيلەر اراسىنداعى تىعىز ءارى سەنىمدى قاتىناستىڭ ورناۋىنا كوبىنە ۋچاسكەلىكتەر ينسپەكتورلار، پيك جانە تۇرعىنداردىڭ بىرلەسكەن چاتتارى سەپتىگىن تيگىزۋدە. «ۋچاسكە» جەدەل-الدىن الۋ شاراسى 1-جەلتوقسانعا دەيىن جالعاسادى.

اۆتور: زارينا تۋعانبايەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى