اقتاۋداعى جارىلىس: عيماراتتا ادام بولماعان، 11 اۆتوكولىك جارامسىز بولىپ قالدى

«7-قاراشا ساعات 22.25-تە «101» پۋلتىنە اقتاۋ قالاسى، №29 «ا» شاعىن اۋدانىندا جارىلىس بولعانى تۋرالى حابار كەلىپ ءتۇستى. جارالىستىڭ سالدارىنان عيمارات قيراعان. قازىرگى ۋاقىتتا وقيعا ورنىندا ت ج د، پوليتسيا قىزمەتكەرلەرى مەن اكىمدىك وكىلدەرى جۇمىس ىستەپ جاتىر. ءبىز عيماراتتىڭ يەسىمەن سويلەستىك. ونىڭ ايتۋىنشا، ساعات كەشكى 18:00-دا عيماراتتا ورنالاسقان اسحانانى جاۋىپ شىققان، وندا ادام بولماعان. جەدەل جاردەمگە دە ءالى ەشكىم جۇگىنگەن جوق» ، - دەدى اقتاۋ قالالىق توتەنشە جاعدايلار دەپارتامەنتىنىڭ باسشىسى جاندوس كەنجەبەكوۆ.

ونىڭ ايتۋىنشا، قازىرگى ۋاقىتتا ماماندار جارىلىستىڭ سەبەبىن انىقتاپ جاتىر.

«عيمارتتىڭ ىشىندە بىرنەشە نىسان بولعان، ياعني اسحانا، ت ق ك س (تەحنيكالىق قىزمەت كورسەتۋ ستانتسياسى)، تىگىن سەحى جانە قويما. قازىر ت ج د- ءنىڭ 60 قىزمەتكەرى جارىلىس ورنىن تازارتۋدا. ءبىر ۇيرەتىلگەن يت ىزدەۋ جۇمىستارىنا تارتىلعان. جارىلىس بولعان عيمارات 2 قاباتتان تۇرادى»، - دەيدى ول.

جارىلىستىڭ الدىن الا سەبەبى گاز- اۋا قوسپاسىنىڭ اعۋىنان بولۋى مۇمكىن. قازىردىڭ وزىندە وقيعا ورنىنان ەكى گاز باللونى شىعارىلدى. اتالمىش كەشەن ايتۋىنشا، ۇيىندىلەردىڭ استىندا تاعى ەكى گاز باللونى بار. ولاردىڭ ءارقايسىسىنىڭ سىيىمدىلىعى 50 ليتر. تولىعىراق اقپارات وقشاۋلاۋ جانە جويۋدان كەيىن بەرىلەدى.

ايتا كەتسەك، اقتاۋ قالاسىندا عيمارات جارىلدى. وقىس وقيعا تۋرالى الدىمەن الەۋمەتتىك جەلىدە تارادى. كەيىن ماڭعىستاۋ وبلىستىق توتەنشە جاعدايلار دەپارتامەنتى بۇل كەلەڭسىز جاعدايدى راستادى. وقيعا ورنىنا توتەنشە جاعدايلار دەپارتامەنتىنىڭ 5 تەحنيكاسى مەن 17 قىزمەتكەرى، «اپاتتىق مەديتسينا ورتالىعى» مەكەمەسىنىڭ 3 قىزمەتكەرى مەن 1 تەحنيكاسى اتتانعانى حابارلاندى.

جارىلىس بولعان ساتتە عيمارات جانىندا 11 اۆتوكولىك تۇرعان. سالدارىنان بارلىق اۆتوموبيل جارامسىز بولىپ قالدى. جول- كولىك پوليتسياسىنىڭ قىزمەتكەرلەرى ارنايى تەحنيكانىڭ كومەگىمەن ءۇش كولىكتى ەۆاكۋاتسيالادى. قالعان كولىكتەردىڭ يەلەرىن انىقتاۋ جالعاسىپ جاتىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى