سەمەيدە 11 ادامدى ۇسىك شالدى
«اۋا تەمپەراتۋراسىنىڭ كۇرت تومەندەۋىنە بايلانىستى، سوڭعى ەكى كۇننىڭ ىشىندە قالانىڭ مەديتسينالىق مەكەمەلەرىنە دەنەنىڭ ءتۇرلى بولىكتەرىنىڭ ۇسىك شالۋى دياگنوزىمەن 11 ادام تۇسكەن. بۇگىن، 3-قاڭتاردا سەمەي قالاسىندا اۋانىڭ تەمپەراتۋراسىن -40 گرادۋسقا دەيىن تومەندەدى»، - دەپ حابارلادى ۆەدومستۆودا.
پوليتسيا باسقارماسى قالا تۇرعىندارىن اياز كەزىندە قاجەتتىلىكسىز كوشەگە شىقپاۋدى، بالالار مەن قارتتارعا كوڭىل ءبولۋدى، سونداي- اق كولىكپەن ەلدى مەكەندەردىڭ سىرتىنا شىقپادى سۇرايدى.
ەسكە سالا كەتەيىك، اقمولا وبلىسىندا ايازعا بايلانىستى ديزەلدىك قوزعالتقىشپەن جۇرەتىن كولىك قۇرالدارىنىڭ قوزعالىسىنا شەكتەۋ قويىلدى، ال شىعىس قازاقستان مەن الماتى وبلىستارىندا وعان قوسا قوعامدىق كولىكتىڭ قوزعالىسى توقتاتىلدى. سينوپتيكتەردىڭ بولجامىنشا، قازاقستان اۋماعىنىڭ كوپ بولىگىنە ءالى دە سولتۇستىك انتيتسيكلون سىلەمى اسەر ەتۋدە. وسىعان بايلانىستى، 3-قاڭتاردا جاۋىن- شاشىنسىز كۇن رايى كۇتىلەدى، الايدا اياز ساقتالادى.
