گەرمانيادان قازاقستانعا ەكستراديتسيالانعان قىلمىسكەر 11 جىلعا سوتتالدى

باس كولىك پروكۋرورى ەرنات سىبانقۇلوۆ Facebook-تەگى پاراقشاسىندا وسىلاي ءمالىم ەتتى، ، دەپ حابارلايدى قازاقپارات.

ونىڭ ايتۋىنشا، 2017-جىلى ەكونوميكالىق تەرگەۋ قىزمەتىنىڭ قىزمەتكەرلەرى شىمكەنت قالاسىنىڭ اۋەجايىندا قازاقستانعا گەرمانيادان «ەكستازي» پسيحوتروپتىق زاتىن الىپ ءوتۋ فاكتىسىن انىقتاعان. جۇك يەسى گرۋزيا ازاماتى لەلادزە ونىڭ باگاجى ۇستالعانىن جانە وندا ەسىرتكىنىڭ بار ەكەنىن بىلە تۇرا، وعان كەلمەي قاشىپ كەتىپ، گەرمانيا اۋماعىندا جاسىرىنعان. «الايدا، ول سوت تورەلىگىنەن اسىپ كەتە المادى. قازاقستاننىڭ قۇقىق قورعاۋ ورگاندارى ونىڭ ەلىمىزدىڭ اۋماعىندا قۇقىققا قارسى ارەكەت جاساعانىن دالەلدەدى. قىلمىسكەردى ۇستاۋ جانە ونى كەيىننەن قازاقستانعا ەكستراديتسيالاۋ تۋرالى گەرمانيا تاراپىنا ءتيىستى سۇراۋ جىبەرىلدى»، دەلىنگەن جازبادا.

باس پروكۋراتۋرانىڭ بەلسەندى قاتىسۋىمەن شەتەلدىك ارىپتەستەرمەن ءوزارا ءىس-قيمىلدار ناتيجەسىندە قىلمىسكەر ۇستالىپ قازاقستانعا ەكستراديتسيالاندى. باس كولىك پروكۋراتۋراسى لەلادزەگە قاتىستى قىلمىستىق ءىستى سوتقا جىبەرىلدى.

«تاعىلعان ايىپتى مويىنداماۋىنا قاراماستان، ونىڭ كونتراباندا جاساعانى جانە پسيحوتروپتىق زاتتاردى اسا ءىرى مولشەردە زاڭسىز ساقتاعانى راستالىپ، سوتتا ءوزىنىڭ دالەلىن تاپتى. شىمكەنت قالاسىنىڭ قىلمىستىق ىستەر جونىندەگى مامانداندىرىلعان سوتىنىڭ 2019-جىلعى 22- قازانداعى ۇكىمىمەن لەلادزە 11 جىل 6 ايعا باس بوستاندىعىنان ايىرىلدى»، دەلىنگەن جازبادا.

ايتا كەتەرلىگى، اپەللياتسيالىق ساتىداعى سوتتىڭ قاۋلىسىمەن ۇكىم وزگەرىسسىز قالدى، سوتتالۋشىنىڭ شاعىمى قاناعاتتاندىرىلماعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى