يوردانيا اۋە كومپانيالارى قازاقستاننىڭ 11 اۋەجايىنا تۇراقتى ۇشاتىن بولدى

ق ر ييدم ازاماتتىق اۆياتسيا كوميتەتىنىڭ Facebook پاراقشاسىندا جاريالانعان اقپاراتقا سايكەس، قازاقستاندىق دەلەگاتسيا يوردانيانىڭ اۆياتسيالىق بيلىگىمەن كەلىسسوزدەر جۇرگىزدى.

«يوردانيانىڭ اۋە كومپانيالارىنا قازاقستاننىڭ 11 اۋەجايىنا (نۇر- سۇلتان، الماتى، شىمكەنت، اقتاۋ، قاراعاندى، وسكەمەن، پاۆلودار، كوكشەتاۋ، تاراز، پەتروپاۆل، سەمەي) 5- «اۋە ەركىندىگىن» پايدالانۋ مۇمكىندىگىمەن رەيستەر سانىنا شەكتەۋدى الىپ تاستاپ، تۇراقتى ۇشۋىنا مۇمكىندىك بەرىلدى. تاراپتار يوردانياداعى ەلشىلىكپەن بىرلەسىپ قازاقستاننان اممان جانە اكابا قالالارىنا تىكەلەي رەيس اشۋ مۇمكىندىگىن قاراستىرۋدا» ، - دەپ اتاپ ءوتتى كوميتەتتەن.

ايتا كەتەيىك، قازاقستان رەسپۋبليكاسى پرەزيدەنتىنىڭ تاپسىرماسى بويىنشا ەنگىزىلگەن «اشىق اسپان» رەجيمى اياسىندا ق ر يندۋستريا جانە ينفراقۇرىلىمدىق دامۋ مينيسترلىگى قازاقستاننىڭ يوردانياداعى ەلشىلىگىمەن بىرلەسىپ جاڭا حالىقارالىق باعىتتار اشۋ جانە جاڭا شەتەلدىك اۋە كومپانيالاردى تارتۋ بويىنشا بەلسەندى جۇمىس جۇرگىزىپ جاتىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى