سينوپتيكتەر قاڭتاردىڭ 11 ءى كۇنىنە ارنالعان اۋا رايى بولجامىن جاريا ەتتى

كاسىپورىن مالىمەتتەرىنە قاراعاندا، رەسپۋبليكانىڭ كەي جەرلەرىندە جاۋىن-شاشىن بولىپ، باتىستا عانا كۇن جاۋىن-شاشىنسىز.

رەسپۋبليكا بويىنشا كەي جەرلەردە كوكتايعاق، بۇرقاسىن بولىپ، تۇمان ءتۇسىپ، جەل كۇشەيەدى.

جامبىل، تۇركىستان وبلىستارىنىڭ كەي جەرلەرىندە تۇمان ءتۇسىپ، كوكتايعاق بولادى، جەلدىڭ جىلدامدىعى سەكۋندىنا 15-20 مەترگە جەتىپ، ەكپىنى 25 م/س بولادى.

الماتى وبلىسىنىڭ جالاڭاشكول اۋدانىندا جەل 20-25 م/س جىلدامدىقپەن ۇيتقيدى، تۇندە جانە تاڭەرتەڭ تۇمان ءتۇسۋى ىقتيمال.

شىعىس قازاقستان وبلىسىنىڭ كەي جەرلەرىندە بۇرقاسىن بولىپ، تۇندە جەلدىڭ جىلدامدىعى 15-20 م/س- قا جەتەدى.

سولتۇستىك قازاقستان وبلىسىنىڭ كەي جەرلەرىندە جاياۋ بۇرقاسىن بولىپ، تۇمان ءتۇسۋى ىقتيمال، كۇندىز جەلدىڭ جىلدامدىعى 15-20 م/س بولادى.

قىزىلوردا، ماڭعىستاۋ، اتىراۋ وبلىستارىنىڭ كەي جەرلەرىندە تۇمان ءتۇسىپ، كوكتايعاق بولادى.

قىزىلوردا وبلىسىندا جولداردا كوكتايعاق بولادى.

اقمولا، باتىس قازاقستان، اقتوبە، قوستاناي، پاۆلودار، قاراعاندى وبلىستارىنىڭ كەي جەرلەرىندە تۇمان ءتۇسۋى مۇمكىن دەگەن بولجام بار.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى