قاراعاندىلىق 11 جاسار بالا بانگكوكتا ۇستەل تەننيسىنەن ەل نامىسىن قورعايدى

حالىقارالىق تۋرنير بانگكوكتا 5-12- ناۋرىز ارالىعىندا وتەدى، دەپ حابارلايدى قازاقپارات قاراعاندى وبلىسى اكىمدىگىنىڭ باسپا ءسوز قىزمەتىنە سىلتەمە جاساپ.

الان قۇرمانعاليەۆ حالىقارالىق ۇستەل تەننيسى فەدەراتسياسىنىڭ (ITTF) ماماندارىنىڭ نازارىنا قاڭتار ايىندا تەگەرانداعى جارىستا ىلىككەن بولاتىن. وندا جاس قاراعاندىلىق «Hopes Week»- ءتىڭ ىرىكتەۋ تۋرنيرىنە قاتىسقان ەدى. ونىڭ قارسىلاستارى قازاقستان، وزبەكستان، قىرعىزستان، تۇرىكمەنستان، تاجىكستان، يران جانە اۋعانستاننان كەلگەن سپورتشىلار بولدى.

الان ءوز جاس ساناتىندا قازاقستاننىڭ ابسوليۋتتى چەمپيونى. ول بۇل مارتەبەنى وتكەن جىلى الماتى قالاسىندا وتكەن 2006-جىلى تۋعان جانە ودان جاس سپورتشىلار اراسىنداعى ەل چەمپيوناتىندا جەڭىپ الدى.

ITTF «Hopes Week»  ارقىلى دۇنيەجۇزى بويىنشا دارىندى بالالاردى انىقتاپ، ولاردى ءارى قاراي دامىتىپ وتىرادى. «Regional Hopes Week & Challenge»  ايماقتىق ىرىكتەۋ سايىستارىندا جەڭىمپازدار انىقتالىپ، ءبىر جىل بويى ولار ءوز ۇستازدارىمەن بىرگە ITTF ەسەبىنەن 12 بەدەلدى تۋرنيرلەرگە جانە بارلىق حالىقارالىق بىرلەسكەن جيىندارعا قاتىسادى.

الان قۇرمانعاليەۆ - ۇستەل تەننيسى بويىنشا قاراعاندى مامانداندىرىلعان بالالار-جاس وسپىرىمدەر وليمپيادا رەزەرۆى مەكتەبىنىڭ تاربيەلەنۋشىسى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى