ءجۇز جاڭا ەسىم: جامبىل وبلىسىندا پوليتسيا قىزمەتكەرى 11 بالا اسىراپ وتىر

ايتا كەتەيىك، جامبىل وبلىسىنىڭ مەركى اۋدانىندا 40 جاستاعى كوپبالالى پوليتسيا قىزمەتكەرى تۇرادى. پوليتسيا سەرجانتى 6 ۇل مەن 5 قىز تاربيەلەپ وتىر. ولاردىڭ 8 ى بالالار ۇيىنەن اسىراپ الىنعان. عالىم جارى اليامەن بىرگە وتباسى ۇلگىسىندەگى بالالار ءۇيىن جاساعان دەسە بولادى. بالالاردىڭ تاربيەسىمەن نەگىزىنەن ءاليا اينالىسادى. ول پەداگوگ مامان، الايدا قازىر تەك وتباسىمەن عانا اينالىسادى. مەركى اۋداندىق ءى ءى ب-نىڭ جەرگىلىكتى پوليتسيا قىزمەتىنىڭ جول-پاترۋلدىك پوليتسياسىنىڭ سەرجانتى عالىم ارىستانبايەۆ بولسا ۇزاق جىلدار بويى قوعامدىق ءتارتىپتى قاداعالاپ كەلەدى.

ارىستانبايەۆتار وتباسى «مەرەيلى وتباسى» رەسپۋبليكالىق كونكۋرسىنىڭ فيناليسى بولعان. سونىمەن قاتار وتاعاسى «قازاقستاننىڭ 100 جاڭا ەسىمى» جوباسىنىڭ جەڭىمپازدارىنىڭ قاتارىنا كىردى.

ارىستانبايەۆتاردىڭ 10 جىلدان استام وتباسىلىق ومىرلەرىندە 3 بالا دۇنيەگە كەلگەن. وسىعان قاراي ولاردىڭ ءبىز قىز اسىراپ الساق دەگەن ارمانى بولعان. ءبىر بالا اسىراپ الماق بولعان ولار مەركى اۋدانىنداعى ۆ. ساۆۆا اتىنداعى بالالار ۇيىنەن ءتۇرلى جاستاعى 4 بالانى، ارتىنان تاعى ءۇش بالانى الىپ كەلگەن. ولار ءبىر وتباسىنداعى بالالاردى ءبىر- بىرىنەن اجىرتقىلارى كەلمەگەن ەدى. تاعى ءبىر بالانى ولار تارازداعى «ءۇمىت» سابيلەر ۇيىنەن الدى.

ايتا كەتەيىك، مەركى اۋدانىنداعى بالالار ءۇيى قازىر جۇمىس ىستەمەيدى. ويتكەنى وندا تاربيەلەنەتىن بالالار جوق.

«ارىستانبايەۆتار وتباسى كوپ ۇلتتى. ولاردىڭ ازەربايجان، قىتاي، وزبەك ۇلتىنان ءۇش قىزى بار. ۇلدارى ورىس جانە سىعان. ولاردىڭ بارلىعى ءتۇرلى ۇلت وكىلدەرى بولعانىمەن بارلىعى دا قازاق تىلىندە سويلەيدى. بالالار وتە جاقسى ءارى مەيىرىمدى، ولاردى اتا-انالارى ۇلگىلى ازامات بولۋعا تاربيەلەۋدە. ولاردىڭ بارلىعى دا قازاقستاننىڭ بەلدى ازاماتتارى بولادى دەگەن ۇمىتتەمىز»، - دەدى جامبىل وبلىستىق ءى ءى د باسپا ءسوز قىزمەتىنىڭ جەتەكشىسى گۇلسارا مۇحتارقۇلوۆا.

مەركى اۋدانىنداعى كوپبالالى وتباسىنىڭ الداعى ماقساتى تەك كوبەيە بەرۋ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى