قازاقستاندىق كونكيشىلەر وليمپيادانىڭ 11 ليتسەنزياسىنان ءۇمىتتى

وسى كۋبوكپەن وليمپيادا ويىندارىنا ليتسەنزيا تاراتۋ اياقتالدى. رەسمي حابارلاما ءبىر اپتا كولەمىندە جاريا بولادى، دەسە دە، قازىردىڭ وزىندە قازاقستاندىقتار 9-11 ليتسەنزيا العانىن ايتۋعا بولادى.

ۇلتتىق قۇراما حالىقارالىق ماۋسىمنىڭ شەشۋشى كەزەڭىندە ناتيجەنى ەداۋىر جاقسارتىپ، تاعى دا قوسىمشا جولدامانى قورجىنعا سالدى.

امەريكادا ەكاتەرينا ايدوۆا «ب» توبىندا 1000 جانە 500 مەترگە جۇگىرۋدە ەكى كۇمىس مەدال يەلەندى. ال رومان كرەچ «ب» توبىندا 500 مەترلىك ديستانتسيادا التىنشى كەلگەنىمەن، وليمپياداعا قاتىسۋعا مۇمكىندىك الىپ وتىر.

الەم كۋبوگىنداعى ەڭ ۇلكەن جانە ەشكىم كۇتپەگەن ناتيجەنى فەدور مەزەنتسيەۆ الىپ كەلدى. الماتىلىق سپورتشى 3 بىردەي قاشىقتىقتا (500, 1000 جانە 1500 مەتر) باعىن سىنادى. ول ءار باعىتتا 2013-جىلدان بەرى جاڭارماعان رەكوردتى ورناتتى. ماۋسىمنىڭ باسىندا مەزەنتسيەۆتى ەشكىم فاۆوريتتەر قاتارىنا قوسپاعان ەدى. ايتسە دە، ول جالعىز ءوزى وليمپيادانىڭ بىردەن 3 ليتسەنزياسىنا قول جەتكىزدى.

كورسەتكىشتەر كوز قۋانتادى، الايدا ارقانى كەڭگە سالاتىن كەز ءالى تۋعان جوق. جوعارى جەتىستىكتەرگە جەتۋ ءۇشىن ءبىزدىڭ سپورتشىلارعا تالماي ەڭبەكتەنۋ كەرەك.

قىسقى وليمپيادا ويىندارى 2018-جىلدىڭ 9-25 اقپانى ارالىعىندا وڭتۇستىك كورەيانىڭ پحەنچحان قالاسىندا وتەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى