ا ق ش تۇرعىنى جەرلەنگەنىنە 11 كۇن وتكەن سوڭ ۇيىنە ورالدى
وتباسى ۇلدارىن جەرلەپ، قارا جامىلىپ جۇرگەندەرىنە 11 كۇن وتكەندە ول ۇيىنە ورالعان دەپ جازادى Life.ru.
82 جاستاعى ا ق ش- تاعى ۋايلدومار قالاسىنىڭ تۇرعىنى فرەنك كەرريگان ۇلىنىڭ ءولىمى تۋرالى ەستىگەندە جۇرەگى توقتاپ قالا جازدايدى. پوليتسەيلەر ۇيقىمەن پروبلەماسى بار جانە پسيحيكالىق اۋرۋعا شالدىققان كىشى-فرەنكتىڭ كوشەدەن تابىلعانىن ايتقان. ولار ءمايىتتى ساۋساق ءىزى بويىنشا انىقتاعاندىقتان، ونى قاراۋدىڭ قاجەتى جوق ەكەنىن العا تارتادى.
ولگەن جىگىتتىڭ اپكەسى ءىنىسى قازا بولعان جەرگە قولدان ەسكەرتكىش تۇرعىزعان. اناسىنىڭ جانىنا قويىلعان جىگىتتىڭ جەرلەۋىندە اعاسى جۇرەك تەبىرەنتەر ەستەلىكتەر ايتادى.
ءبىراق، ەكى اپتا وتكەن سوڭ ۇلكەن فرەنككە ۇلىنىڭ دوسى حابارلاسىپ، كىشى-فرەنكتىڭ ءتىرى ەكەنىن حابارلايدى. انىقتالعانداي، پوليتسەي ۋچاسكەسىندە ساۋساق ىزدەرىن شاتاستىرىپ العان.
ونىڭ ۇستىنە جەرلەنگەن جىگىتتىڭ سىرتقى كەلبەتى ولاردىڭ ۇلدارىنا قاتتى ۇقساعان. ەندى ونىڭ وتباسى ادام تاعدىرىنا بەي-جاي قاراعان قۇقىق قورعاۋ ۇيىمدارىن سوتقا بەرمەكشى.
