ديماشتىڭ فاناتتارى ءانشى تۋرالى اقپاراتتاردى الەمنىڭ 11 تىلىنە اۋدارماق - فوتو
بۇل تۋرالى قازاقپارات تىلشىسىنە استاناداعى ءانشىنىڭ كونسەرتىنە ارنايى كەلگەن ءانشىنىڭ جانكۇيەرلەرى ايتىپ بەردى، دەپ حابارلايدى قازاقپارات.
«ءبىز ديماش قۇبايبەرگەندى ەرەكشە قۇرمەتتەيمىز. ونىڭ جۇرگەن جەرىن، جۇتقان اۋاسىن كورۋ ءۇشىن قازاقستانداعى كونسەرتىنە ارنايى كەلدىك. ۇلكەن دايىندىقپەن ءوز سىيلىقتارىمىزدى الا كەلدىك. ءبىز ديماش تۋرالى اقپاراتتاردى، وعان قاتىستى بەينەجازبالاردى الەمدەگى ءانشىنىڭ فاناتتارى ءۇشىن 11 تىلگە اۋدارىپ، يۋتۋب كانالىنا جۇكتەپ جاتىرمىز»، - دەيدى ءانشىنىڭ فاناتى تان ميليڭ.
ولار ديماشتىڭ كونسەرتىنە كەلۋدى ەرتە جوسپارلاعاندىعىن ايتتى.
«ءبىز قىتايدىڭ ءار ولكەسىنەن كەلدىك. استانادا ديماشتىڭ كونسەرتى وتەدى دەگەننەن باستاپ، دەمالىسسىز جۇمىس جاساپ، ەڭبەك دەمالىسىمىزدى وسى ۋاقىتقا سايكەستىردىك»، - دەيدى ولار.
اۆتور: ريزابەك نۇسىپبەك ۇلى
